skol
Kigali
startimes

KCCA yatewe mpaga na AS Kigali kubera kubura abakinnyi ikoresha

Imyidagaduro   Yanditswe na: Dusingizimana Remy 23 December 2020 Yasuwe: 4069

Umukino ubanza wagombaga guhuza AS Kigali na KCCA mu cyiciro cya kabiri cya CAF Confederations Cup wari uteganyijwe kuri uyu wa Gatatu tariki ya 23 Ukuboza,wasubitswe kubera ko iyi kipe yo muri Uganda yabuze abakinnyi 11 babanza mu kibuga n’abandi 4 basimbura kubera ko bose barwaye Covid-19.


Nyuma y’uko KCCA izanye abakinnyi 14 I Kigali,babiri basanganwe Covid-19 mu Rwanda bituma iyi kipe ibura abakinnyi 15 basabwa na CAF.

Ibi bivuze ko ikipe ya AS Kigali iteye mpaga KCCA ya 2-0 nkuko amategeko ya CAF abisobanura igihe ikipe ibuze abakinnyi kubera indwara ya Covid-19.

Mu banduriye Covid-19 muri Uganda barimo umutoza mukuru wa KCCA, Mike Mutebi n’abandi bakinnyi 12 banduye COVID-19

Mu ijoro ryakeye,ubwo ikipe ya KCCA yari mu myitozo ku kibuga cya Stade ya Kigali I Nyamirambo,cyagombaga gukinirwaho uyu mukino yatinze gutaha kubera, hari abakinnyi babiri bayo basanzwe baranduye Covid-19 muri 15 bari bazanye.

KCCA yaje mu Rwanda idafite abakinnyi bayo barimo Charles Lukwago, Hassan Matovu,Ali Mwirusi bose banduye Covid-19.

Aba bakinnyi biyongereyeho Brian Aheebwa, Kezron Kizito, Stefano Mazengo Loro na Denis Iguma nabo bagumye Kampala.

KCCA yabwiye abakunzi bayo ko yatewe mpaga biturutse ku mabwiriza ya CAF avuga ko nibura yagombaga kugira abakinnyi 15 barimo umunyezamu n’abasimbura 4.

Yakomeje ivuga ko nta munyezamu n’umwe yari isigaranye kuko 3 ifite banduye Covid-19 byiyongeraho n’abandi bakinnyi.KCCA yavuze ko nubwo yatsinzwe 2-0 kuri mpaga inkuru igikomeza batarasezererwa.

AS Kigali yari yasezereye Orapa United mu ijonjora rya mbere bigoranye,ibonye amahirwe yo kwitegura neza umukino wo kwishyura uzabera i Kampala tariki ya 6 Mutarama 2021.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Irambona Eric wagize imvune yabazwe

Myugariro wa Kiyovu Sports,Irambona Eric yabazwe imvune yari afite, Kuwa...
24 January 2021 Yasuwe: 2679 0

“Ronaldo ntabwo ari umukinnyi mwiza ku isi”-George Weah

Nk’uko byatangajwe na George Weah wigeze gutsindira Ballon d’or ndetse kuri...
24 January 2021 Yasuwe: 3593 0

Inshoreke za Diego Maradona zashwaniye ku karubanda zipfa umutungo wa...

Nyakwigendera Diego Maradona watabarutse mu mpera z’umwaka ushize yasize...
23 January 2021 Yasuwe: 4698 0

Cristiano Ronaldo na Lionel Messi batunguye isi yose kubera akayabo banze...

Abakinnyi ba mbere ku isi mu myaka irenga 10 ishize aribo Cristiano Ronaldo...
23 January 2021 Yasuwe: 6756 0

Mashami Vincent yahishuye icyo agiye gukora kugira ngo azatsinde Togo...

Umutoza w’ikipe y’igihugu y’u Rwanda, Mashami Vincent,yavuze ko nyuma yo...
23 January 2021 Yasuwe: 6104 1

Umunyamideli w’uburanga wakundanye na Rutahizamu wanyuze muri Chelsea...

Umunyamideli witwa Manuela Ferrera yahishuye umubano we na rutahizamu...
23 January 2021 Yasuwe: 6089 0