Umunyezamu Kimenyi Yves yatorewe mu mwiherero wahuje Abayobozi,abatoza n’abakinnyi ba Kiyovu Sports ko ariwe kapiteni mushya w’iyi kipe yerekejemo mu minsi mike ishize avuye muri Rayon Sports.
Uyu munyezamu waguzwe akayabo ka miliyoni 16 FRW yakuye kuri izi nshingano Serumogo Ally wagizwe umwungiriza we mu gihe Irambona Eric bavanye muri Rayon Sports yagizwe kapiteni wa 3.
Kuri uyu wa Gatandatu tariki ya 03 Ukwakira 2020, abakinnyi, abayobozi n’abatoza ba Kiyovu Sports berekeje ku kiyaga (...)

Sponsored Ad

Umunyezamu Kimenyi Yves yatorewe mu mwiherero wahuje Abayobozi,abatoza n’abakinnyi ba Kiyovu Sports ko ariwe kapiteni mushya w’iyi kipe yerekejemo mu minsi mike ishize avuye muri Rayon Sports.

Uyu munyezamu waguzwe akayabo ka miliyoni 16 FRW yakuye kuri izi nshingano Serumogo Ally wagizwe umwungiriza we mu gihe Irambona Eric bavanye muri Rayon Sports yagizwe kapiteni wa 3.

Kuri uyu wa Gatandatu tariki ya 03 Ukwakira 2020, abakinnyi, abayobozi n’abatoza ba Kiyovu Sports berekeje ku kiyaga cya Muhazi mu mwiherero utegura umwaka w’imikino wa 2020-2021.

Uyu mwiherero wateguwe n’ubuyobozi bw’iyi kipe burangajwe imbere na Mvukiyehe Juvenal na komite nyobozi nshya bazakorana hagamijwe kwiga ku iterambere ry’ikipe muri rusange no gutegura umwaka w’imikino utaha wa 2020-2021.

Ikigamijwe cyane muri uyu umwiherero nuko abakinnyi bamenyana n’abatoza ndetse n’ubuyobozi bushya bw’iyi kipe bwatowe tariki 27 Nzeri 2020.

Uyu mwiherero uzigirwamo ku buzima bushya ikipe igiye gutangira,kuganira ku ntego zikomeye iyi kipe ifite imbere zirangajwe imbere no gutwara igikombe cya shampiyona.

Inkuru y’uko Kimenyi Yves wari umunyezamu wa Rayon Sports yerekeje muri Kiyovu Sports yamenyekanye mu ijoro ryo kuwa Gatatu tariki ya 26 Gicurasi 2020 ariko ntihagaragara amafoto asinyira iyi kipe yambara icyatsi n’umweru.

Uko iminsi yagiye yicuma niko byaje kumenyekana kugeza ubwo na nyiri ubwite yemeje ko iyi nkuru ari impamo.

Kimenyi Yves yageze muri Rayon Sports avuye muri APR FC muri Nyakanga 2019.

Yahawe miliyoni 2Frw muri miliyoni 8 Frw yaguzwe. Imwe mu ngingo y’amasezerano ye, yavugaga ko nibigera tariki ya 1 Nzeri atarabona ibyo agombwa n’ikipe, ashobora kwerekeza ahandi ariyo mpamvu yateye umugongo Rayon Sports.