skol
fortebet

Kiyovu Sports yakiriye nabi cyane Masudi Djuma mu gihe Police FC yanze gusigara inyuma ya APR FC

Yanditswe: Wednesday 27, Nov 2019

Sponsored Ad

Ikipe ya Kiyovu Sports yihereranye Bugesera FC ku kibuga cyo ku Mumena iyinyagira ibitego 5-2 mu mukino w’umunsi wa 10 wa shampiyona mu gihe Police FC yanze gusitazwa na Marines FC mu rugamba rwo guhatanira igikombe.

Sponsored Ad

Bugesera FC yaherukaga gutsinda Mukura VS igitego 1-0 mu mukino wa mbere w’umutoza Masudi Djuma,yasuye ikipe ya Kiyovu Sports ihagaze neza cyane iyinyagira ibitego 5-2.

Kiyovu yanyagiye Bugesera FC ibitego 5-2 ibifashijwemo na Tuyishime Benjamin, Faisam Luhachimba watsinze ibitego 2,Nsanzimfura Keddy na Ghislain Armel mu gihe ibitego 2 bya Bugesera FC byatsinzwe na Shabani Hussein uzwi nka Tshabalala.

Ikipe ya Police FC yatsinze Marines FC igitego 1-0 cyatsinzwe na Ndayishimiye Antoine Dominique, biyifasha gukomeza gukubana na APR FC ya mbere iyirusha ibitego gusa

Mu wundi mukino wabaye kuri uyu wa Gatatu,ikipe ya Mukura VS yatsinze ibitego 3-1 Etincelles idafite umutoza ibifashijwemo na Iradukunda Bertrand watsinze ibitego bibiri na Ntwali Evode mu gihe Etincelles yatsindiwe na Akayezu Jean Bosco.

Uko imikino y’uyu munsi yagenze:

Kiyovu Sports 5-2 Bugesera
Mukura VS 3-1 Etincelles
Police FC 1-0 Marines

Uko urutonde ruhagaze:

1. APR FC 24 Pts (+12)
2. Police FC 24 Pts (+10)
3. Mukura VS 20 Pts
4. Kiyovu Sports 19 Pts (+6)
5. Rayon Sports 18 Pts (+8)

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa