skol
Kigali
startimes

Kiyovu Sports yashyizeho ibisabwa ku muntu ushaka kuba Perezida wayo bigonga Juvenal wifuzwa na bamwe

Imyidagaduro   Yanditswe na: Dusingizimana Remy 19 September 2020 Yasuwe: 1648

Komisiyo y’amatora muri Kiyovu Sports yatangaje ibisabwa kuri buri wese wifuza kwiyamamariza kuba umwe mu bayobozi ba Kiyovu Sports mu matora azaba kuwa 27 Nzeri 2020 birimo ingingo igonga Mvukiyehe Juvenal wifuzwaga na bamwe mu bayovu kubera ubushobozi ari gushoramo.


Mu ntangiriro z’uku kwezi kwa Nzeri 2020, nibwo komite nyobozi ya Kiyovu yasoje manda yayo gusa ntihatarabaho ihererekanyabubasha kuko hataratorwa indi komite nshya izasimbura iyacyuye igihe.

Hakomeje kwibazwa abazayobora iyi kipe yo ku Mumena mu yindi myaka iri imbere,gusa hari impaka ndende hagati y’abifuza impinduka n’abashaka komite icyuye igihe.

Visi Perezida wa mbere Ntarindwa Theodore yavuze ko atiteguye kongera kwiyamamaza bitewe n’icyo yise akajagari kari muri Kiyovu Sport.

Mvuyekure Francois, we aganira n’itangazamakuru, yatangaje ko yumva agifite imbaraga n’ubushake bwo gukomeza iyi kipe mu gihe cyose yaba agiriwe icyizere n’abanyamuryango b’iyi kipe abereye umuyobozi.

“Njye nibifuza ko nongera kubayobora, nzabikora kuko ni ikipe yanjye kandi nkunda cyane. Mfite ubushake bwo kuyiyobora rwose mu gihe cyose abanyamuryango bazaba bangiriye icyizere bakantora, nta kibazo mfite cyo kutayiyobora.”

Komisiyo ishinzwe amatora yatangaje ibisabwa kugira ngo umuntu yemererwe kuyobora iyi kipe birimo kuba amaze amezi 6 ari umunyamuryango.

Iyi ngingo yagonze Mvukiyehe Juvenal wifuzwa na bamwe mu banyamuryango kuko ataramara amezi 6 ari umunyamuryango.Amaze hafi ukwezi abaye umunyamuryango.

Ibisabwa abifuza kuba abayobozi ba Kiyovu Sports birimo ko Umunyamuryango wiyamamaza agomba kuba amaze byibura amezi 6 kandi nta kirarane cy’umusanzu afite cyangwa indi miziro.

Ubishaka yemerewe Kwiyamamariza umwe mu myanya y’ubuyobozi bitarenze 22/09/2020.

Abiyamamaje bazatangarizwa abanyamuryango bitarenze Tariki 23/09 (Ku wa Kabiri).

Amatora azabera mu cyumba cy’inama cy’umujyi wa Kigali ku cyumweru, Kuva 10H00-13H00.

Kwiyamamaza bizakorwa kuva ku wa 3 kugeza ku wa 6.

Mu minsi ishize,Karekezi Olivier yavuze ko atiteguye gutoza Kiyovu Sport, mu gihe Juvenal yaba adatorewe kuyobora iyi kipe.

Yagize ati "Ndifuza ko ibibazo biri muri komite byakemuka. Impamvu ntarasinya, ni uko hashobora kuza undi muyobozi akavuga ko ibiri muri masezerano atabishobora, icyo gihe sinaba ndi umukozi wa Kiyovu.

Ikindi, mbere yo gusinya ngomba kubanza kumenya niba Staff yanjye yabonye byose ikeneye. Ndashaka ko njye n’abo tuzakorana tuzasinyira rimwe kuva kuri kit manager kugera kuri njye."

"Nshaka kumenya, abo tuzakorana bazasinyana nande, abakinnyi nkamenya niba babonye ibyo bemererwe, nta hutihuti mu kazi. Reka ntegereze iminsi mike mbanze menye komite izajyaho mbone kugenda."



Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Mugheni Fabrice wakunzwe n’abafana ba Rayon Sports yerekanwe nk’umukinnyi...

Umukinnyi Kakule Mugheni Fabrice wahoze akina hagati mu kibuga muri Rayon...
27 October 2020 Yasuwe: 696 0

Jose Mourinho yarakariye abakinnyi be kubera ibyo yabasanzemo nyuma...

Umutoza wa Tottenham,Jose Mourinho yarakariye abakinnyi be nyuma y’umukino...
27 October 2020 Yasuwe: 1815 0

Mikel Arteta yatangaje impamvu Arsenal ikomeje gutsindwa umusubirizo

Umutoza Mikel Arteta w’ikipe ya Arsenal yatangaje ko impamvu ikipe ye iri...
27 October 2020 Yasuwe: 1717 0

FC Barcelona yashinje umusifuzi wayisifuriye ku mukino wa El Clasico kuba...

Ikipe ya FC Barcelona yamaze kwandikira ishyirahamwe ry’umupira w’amaguru...
26 October 2020 Yasuwe: 1366 0

Lionel Messi yageneye ubutumwa Cristiano Ronaldo urwaye Covid-19 mbere yo...

Kizigenza Lionel Messi ukinira ikipe ya FC Barcelona yavuze ko atifuza...
26 October 2020 Yasuwe: 3964 1

Pogba yise ibihuha amakuru yavugaga ko yasezeye mu ikipe y’igihugu...

Abicishije ku rubuga rwe rwa Twitter Pogba yamaganye inkuru zivuga ko...
26 October 2020 Yasuwe: 677 0