skol
Kigali
startimes

KNC agiye gukuraho umuco wo gutanga igikombe kitaratangira gukinirwa

Imyidagaduro   Yanditswe na: Martin Munezero 7 September 2020 Yasuwe: 1593

Umuyobozi wa Gasogi United, Kakooza Nkuriza Charles (KNC), avuga ko bashaka guca umuco utari mwiza wamaze kwimikwa mu mupira wo mu Rwanda wo gutanga igikombe kitaratangira gukinirwa.



KNC yabivuze nyuma yo gusinyisha Tuyisenge Hakim ‘Dieme’ wabaye umukinnyi wa 10 mushya Gasogi United iguze muri iyi mpeshyi.

Umuyobozi wa Gasogi United yavuze ko intego zabo mu mwaka utaha w’imikino utaha wa 2020/21 ari ugutwara igikombe no guhindura isura ya Shampiyona y’u Rwanda.

KNC ati “Ubundi ni nde wababeshye ko igikombe ari icya APR FC na Rayon Sports” Gasogi United yiteguye gutwara ikimbe byakwanga bakagikuraho indiba

Ati “Turizera igikombe, ni ibyo. Abatizera ni akazi kabo, kandi icyo twifuza twebwe ni uguhindura ihangana no guca umuco mubi mwebwe abanyamakuru mwimitse, murawamamaza, muwushyira mu mitwe y’abantu. Uwo muco mubi dushaka guca ni uwo gutanga igikombe mbere y’uko gikinirwa.”

KNC yashimangiye ko Gasogi United yiyemeje gutwara igikombe bitaba ibyo ikagikuraho indiba, abazagitwara bakakijyana nta ndiba gifite.

Ati “Ubundi ni nde wababeshye ko igikombe ari icya APR FC na Rayon Sports mbere y’uko iba? Ari ibyo twebwe ntabwo twaza gukina, twabireka mukajya mugiha abo mwakigeneye.”

“Ibi rero ni ubutumwa, nibihangane. Njye nababwiye ko nibiba ngombwa iki gikombe tuzakivanaho indiba, batware ikidafite indiba.”

Gasogi United imaze umwaka umwe muri Shampiyona y’Icyiciro cya Mbere, yabaye iya cyenda mu mwaka ushize w’imikino.

Kuva muri Gicurasi, iyi kipe izatozwa na Cassa Mbungo André, imaze kugura abakinnyi barimo: Iradukunda Bertrand wavuye muri Mukura Victory Sports, Beya Beya Hervé wavuye muri AS Maniema, Nzitonda Eric wavuye muri Gicumbi FC, Bugingo Hakim wakinaga muri Rwamagana City FC.

Yaguze kandi Nkunzimana Sadi wavuye muri Espoir FC, umunyezamu Mfashingabo Didier wa Etoile de l’Est, Umunye-Congo Bola Lobota Emmanuel, Mazimpaka André wakiniraga Rayon Sports, Iddy Museremu wavuye muri Le Messager Ngozi yo mu Burundi na Tuyisenge Hakim ‘Dieme’ wavuye muri Etincelles FC.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


  • chat_bubble Steve

    Nkuri inyuma byose birashoboka courage

    2 months ago

Inzindi nkuru

Neymar Jr yasabye ikintu gikomeye PSG kugira ngo yongere amasezerano

Umukinnyi Neymar Jr ukinira ikipe ya PSG yasabye iyi kipe ye ko niba ishaka...
4 December 2020 Yasuwe: 148 0

Hashyizwe hanze amafoto ya Cristiano Ronaldo n’umuryango we baryamye ku...

Umukunzi wa Cristiano Ronaldo, Georgina Rodriguez,yashyize hanze amafoto...
4 December 2020 Yasuwe: 3257 0

Shampiyona y’umupira w’amaguru mu Rwanda iratangira uyu munsi,Rayon Sports...

Ku ya 13 Ukwakira 2020, Ishyirahamwe ry’Umupira w’Amaguru mu Rwanda (FERWAFA)...
4 December 2020 Yasuwe: 942 0

Neymar Jr arashinjwa gukorera igikorwa cya Kinyamaswa umukinnyi wa...

Rutahizamu Neymar Jr w’ikipe ya PSG mu Bufaransa waraye wongeye kwereka isi...
3 December 2020 Yasuwe: 3617 0

Bosnjak watozaga u Rwanda muri Basketball yeguye ku mirimo ye nyuma yo...

Vladimir Bosnjak wari umutoza mukuru w’ikipe y’igihugu y’u Rwanda mu mukino...
3 December 2020 Yasuwe: 578 0

Neymar Jr yateje impaka ubwo yemezaga ko umwaka utaha azakinana na...

Rutahizamu Neymar Jr waraye witwaye neza cyane mu mukino wa UEFA Champions...
3 December 2020 Yasuwe: 1652 0