Umunyemari Kakooza Nkuriza Charles washinze ikipe ya Gasogi United,yabwiye abanyamakuru ko kuba yatsinzwe na APR FC bigoranye ibitego 3-2, ari uko amahirwe atari ku ruhande rwe ndetse abwira abafana bayo ko kuba bishimiye bidasanzwe insinzi bigaragaza ko ikipe ye ikomeye.

Sponsored Ad

Mu kiganiro n’abanyamakuru,perezida wa Gasogi United,KNC, utaripfana yavuze ko kuba abafana ba APR FC bishimiye cyane gutsinda iyi kipe ye ikizamuka, bigaragaza ko imaze kuba ubukombe.

Yagize ati “Urebye uko umukino wagendaga kuba batubonyemo ibi bitego n’ubwo habayemo udukosa ducye ku ruhande rwacu, navuga ko ari amahirwe cyane kuri bo kubona amanota 3 yose.

Ibi birerekana ko Gasogi United ari ikipe ikomeye cyane. Reba ukuntu abafana ba APR FC bishimye ukuntu bari kubyina ni ibyerekana ko aya manota abashimishije bikabije.”

KNC yabwiye amakipe ataramukuyeho amanota 3 mu gice kibanza cya shampiyona ishatse yaheba kuko mu mikino yo kwishyura azongeramo byibura abakinnyi 2 b’abanyamahanga bakora ikinyuranyo.

APR FC yafunguye amazamu ibifashijwemo na Danny Usengimana, yinjijwe ibitego 2 mu ntangiriro z’igice cya 2 bya Isaac Muganza,byayibijije icyuya kubyishyura, kugera mu minota 10 ya nyuma, ubwo Mugunga na Omborenga bayihaga insinzi.

Ifoto: Funclub.rw