skol
fortebet

Koeman wizeye ko Messi azakina neza kurushaho ntabwo yiha amahirwe menshi yo kwegukana Champions League

Yanditswe: Tuesday 20, Oct 2020

Sponsored Ad

Umutoza Ronald Koeman wa Barcelona avuga ko imikinire ya Lionel Messi "ishobora kuba myiza kurushaho" ariko ko uyu kapiteni w’iyi kipe "yishimye".

Sponsored Ad

Uyu rutahizamu ukomoka muri Argentina w’imyaka 33, ku mpeshyi ishize yagerageje kuva muri iyi kipe ndetse yavuze ko ibibazo byabaye mu gushaka kugenda kwe ari "ikinamico irimo ubugome".

Amaze gutsinda igitego kimwe kugeza ubu muri uyu mwaka.

Umutoza Koeman yagize ati: "Nta kwinuba na gucye mfite cyangwa ugushidikanya ku muhati we".

Kuri uyu wa kabiri, Barcelona iratangira guhatanira Champions League y’uyu mwaka ikina na Ferencvaros yo muri Hongrie (Hungary).

Ni umukino utangira saa tatu za nijoro (21h) ku isaha yo mu Rwanda no mu Burundi.

Koeman yongeyeho ati: "Kuri ubu imikinire ye ishobora kuba [yakabaye] myiza kurushaho. Umunsi ku munsi, aba yishimye ndetse ashaka gukina no kuba kapiteni w’ikipe".

Messi ari mu mwaka we wa nyuma kuri kontaro afitanye na Barcelona, ndetse azahura na Juventus na Cristiano Ronaldo muri iri tsinda G rya Champions League y’uyu mwaka.

Ni igikombe Barcelona iheruka mu mwaka wa 2015.

Juventus, ifite igikombe cya shampiyona y’Ubutaliyani, izaha akazi gakomeye Barcelona, ndetse Koeman yavuze ko ikipe ye itari mu zihabwa amahirwe menshi yo kwegukana iki gikombe uyu mwaka.

Uyu wahoze atoza ikipe y’igihugu y’Ubuholandi yagize ati: "Iyo uri muri Barcelona, buri gihe uba ushaka kuba mu bahatanira ibikombe, haba muri La Liga [shampiyona ya Espagne] cyangwa i Burayi".

"Ntabwo duhabwa amahirwe, ariko dushobora kugera kure".

BBC

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa