skol
Kigali
startimes

Koeman yasubije Quique Setien uherutse gutangaza ko Messi agoye kumutoza

Imyidagaduro   Yanditswe na: Dusingizimana Remy 4 November 2020 Yasuwe: 1958

Umutoza wa FC Barcelona,Ronald Koeman,yanyomoje Quique Setien yasimbuye uherutse gutangaza ko kizigenza w’iyi kipe,Lionel Messi agoye gutoza kubera ko atumva inama z’abatoza.


Ubwo yari mu kiganiro n’abanyamakuru avuga ku mukino wa Champions League afitanye na Dynamo Kiev kuri uyu wa Gatatu,Ronald Koeman yavuze ko umubano we na Messi ari mwiza cyane ndetse nta gasuzuguro aramubonaho mu gihe gito bamaze bakorana.

Yagize ati “Sinemeranya na Setien gusa nubaha ibitekerezo bye n’ibyo yanyuzemo.
Messi n’umukinnyi mwiza,n’uwa mbere ku isi.Mbona ibyo yifuza kugeraho,ntabwo ari umukinnyi ugoye gutoza.

Buri mutoza aba yihariye ariko kuri njye ni kapiteni w’ikipe,buri cyumweru turavugana ku biri mu rwambariro no mu kibuga.Dufitanye umubano mwiza."

Messi w’imyaka 33 aherutse guca ibintu ku isi nyuma y’umwaka w’imikino ushize asaba FC Barcelona kumurekura ku buntu akigendera.

Uyu mugabo yavuze ko yumvikanye n’ikipe ko azagendera Ubuntu nabishaka ariko uwari Perezida wa FC Barcelona yamubwiye ko yatinze kubisaba kuko ngo yabikoze nyuma ya Kamena uyu mwaka.

Umutoza Setien wamaze amezi 6 atoza FC Barcelona akayivamo yirukanwe muri Kanama uyu mwaka,yatangaje ko gutoza Messi bigoye kubera ko ibigwi yakoze muri iyi kipe bituma nta mutoza n’umwe ubasha kumutegeka uburyo bw’imikinire.

Aganira na El Pais, Setien yagize ati “Ndatekereza ko ariwe mukinnyi mwiza kurusha abandi bose babayeho.Hari abandi bakinnyi beza babayeho ariko guhozaho kuriya muhungu mu myaka yose amaze akina umupira birihariye.

Leo biragoye kumutoza.Ndi nde ku buryo namuhindura.Benshi bamwemeye uko ari,nta wigeze agerageza kumuhindura.Hari ikindi gice cy’umukinnyi cyihishe umukinnyi aba afite utashobora guhindura.

Gikomeye cyane.Ni ikintu abakinnyi benshi bahuriyeho wanasanga muri filimi mbarankuru ya Michael Jordan (“The Last Dance”).Ubona ibintu utari witeze.Aba atuje ariko atuma ubona ibintu nkuko abishaka.Ntabwo avuga cyane.”

Umutoza Quique Setien w’imyaka 62 yirukanwe muri FC Barcelona nyuma yo gusezererwa nabi muri UEFA Champions League anyagiwe na Bayern Munich ibitego 8-2.Yatoje imikino 25 gusa.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Anele Ngcongca wakiniye ikipe y’igihugu y’Afurika y’epfo yahitanwe...

Uwari myugariro wa Mamelodi Sundowns n’ikipe y’igihugu y’Afurika y’Epfo...
23 November 2020 Yasuwe: 834 0

Mugisha Moise yegukanye Grand Prix Chantal Biya 2020

Umunyarwanda Mugisha Moïse yegukanye isiganwa ryiswe Grand PrixChantal Biya...
22 November 2020 Yasuwe: 1855 0

Cristiano Ronaldo ari mu biganiro byimbitse n’ikipe yahozemo ngo...

Ibinyamakuru bitandukanye ku mugabane w’I Burayi bikomeje gutangaza ko...
22 November 2020 Yasuwe: 4272 0

Gorilla FC yatwaye igikombe cya shampiyona y’icyiciro cya kabiri...

Mu mukino wa nyuma wabaye kuri uyu wa Gatandatu tariki 21 Ugushyingo 2020...
22 November 2020 Yasuwe: 1197 0

Mugisha Moise yegukanye agace ka Kane ka GP Chantal Biya bimuhesha amahirwe...

Ku munsi wa 4 w’isiganwa rya Grand Prix Chantal Biya riri kubera muri...
21 November 2020 Yasuwe: 2282 0

Abafana ba FC Barcelona bateye Antoine Griezmann bamutegeka gukorera Messi...

Abafana ba FC Barcelona bari bariye karungu batatse imodoka ya Antoine...
21 November 2020 Yasuwe: 5064 0