Rutahizamu wa PSG, Kylian Mbappe yatangaje ko yahuye bwa mbere n’umutoza wa Real Madrid, Zinedine Zidane ubwo yari afite imyaka 14,aje kumufata ku kibuga cy’indege ngo ajye mu igeragezwa muri iyi kipe y’ikigugu muri Espagne.

Sponsored Ad

Real Madrid yatumiye uyu musore ukiri muto ngo aze gukora igerageza we n’abandi bana bangana ariko ngo ubwo yageraga ku kibuga cy’indege yahasanze Zidane yaje kumutegereza n’imodoka ye nziza cyane arangije amubaza niba arabanza gukuramo inkweto ngo yinjire.

Mbappe w’imyaka 21 yavuze ko akibona iyi modoka ya Zidane yahise amubaza niba akuramo inkweto mbere y’uko yinjira.

Mbappe yabwiye The Players’ Tribune ati “Sinzibagirwa igihe twageraga ku kibuga cy’imyitozo tuvuye ku kibuga cy’indege.Zidane yaje kutwakira ku kibuga cy’indege n’imodoka ye nziza cyane.

Yagize ngo ndi kumutera urwenya arambwira ati “Oya,injira nta kibazo.Yahise antwara ku kibuga cy’imyitozo ariko naratekerezaga nti “ndi mu modoka ya Zizou.”

Mbappe niwe rutahizamu ukiri muto wifuzwa n’amakipe menshi kubera ubuhanga bwe budasanzwe aho amaze gutsinda ibitego 27 anatanga imipira ivamo ibitego 16 mu mikino 60 aheruka gukina.

Mbappe akiri muto yakoze amageragezwa mu makipe menshi arimo na Chelsea gusa byarangiye AS Monaco ariyo imuzamuye imugira igihangange.Uyu musore arifuzwa cyane na Real Madrid mu mpeshyi.