Kigali
startimes

Lionel Messi yahishuye rutahizamu w’igihangage yabonye mu mateka ye

Imyidagaduro   Yanditswe na: Martin Munezero 27 October 2019 Yasuwe: 5367

Umunya-Argentine Lionel Andres Messi ufatwa nk’umwe mu bakinnyi b’ibihangage ba ruhago isi yagize mu mateka yayo, yahishuye ko Umunya-Brazil Ronaldo Nazario ari we rutahizamu w’igihangage yabonye mu mateka ye.



Ibi Messi yabihishuye ubwo yaganiraga na Televiziyo yitwa TyC Sports y’iwabo mu gihugu cya Argentine. Ni nyuma y’uko ku munsi w’ejo FC Barcelona akinira yakabaye yarakinnye na Real Madrid mu mukino w’umunsi wa 10 wa shampiyona ya Espagne, ariko bikarangira uyu mukino wimuriwe ku wa 18 Ukuboza kubera imyigarambyo iri kubera i Catalunya.

Messi yagize ati” Ronaldo [Nasalio] yari igitangaza, muri ba rutahizamu bose nabonye yari umuhanga kubarusha. Yari adasanzwe.”

Uyu Kapiteni wa FC Barcelona n’ikipe y’igihugu ya Argentine, yanahishuye ko Umunya-Brazil Ronaldinho Gauco ari mu bamufashije cyane kwisanga mu kipe ya FC Barcelona yagiriyemo ibihe byiza kugeza ubu.

Ati” Ronaldinho yaramfashije cyane. Nkigera mu rwambariro nari mfite imyaka iri hagati ya 16 na 17, ku buryo kwisanga muri bariya bakinnyi b’ibihangage byari binkomereye cyane. Ariko yambereye ikitegererezo anatuma numva ntekanye hanyuma ndatuza. Nyuma mu kibuga, nahoraga mwitegereza n’ubwo tutagize imyaka myinshi yo kugirana ibihe byiza.”

” Ntabwo twakinanye igihe kirekire. Nifuza kuba narakinanye na Ronaldinho igihe kirekire.”

Messi yanabajijwe ku mubano we na Luis Suarez, avuga ko kuva batangira gukinana mu myaka itanu ishize, umubano wabo ugenda urushaho gukomera ku buryo n’abana babo basigaye bafitanye ubucuti.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Reba urutonde rw’amakipe 5 igihangage Lionel Messi ashobora kwerekezamo

Ibinyamakuru byandika Siporo ku mugabane w’Uburayi bimaze iminsi bivuga ko...
5 July 2020 Yasuwe: 1573 0

Umutoza Arteta yagiriye inama ikomeye abayobozi b’ikipe ya Arsenal

Umutoza w’ikipe ya Arsenal,Mikel Arteta umaze gutsinda imikino 3...
5 July 2020 Yasuwe: 1441 0

Karim Benzema agiye kuryozwa isebanya yakoreye Mathieu Velbuena akoresheje...

Umukinnyi w’ Umufaransa ufite inkomoko muri Afurika unakinira Real Madrid,...
5 July 2020 Yasuwe: 1348 0

Impunzi 2 zo mu nkambi ya Mahama zarashwe zigerageza kwinjiza...

Polisi y’u Rwanda yatangaje ko inzego z’umutekano zarashe ku itsinda...
4 July 2020 Yasuwe: 1357 0

Rayon Sports yamaze kwishyura umutoza Javier Martinez Espinosa

Ikipe ya Rayon Sports yamenyesheje FIFA ko yamaze kwishyura amafaranga...
4 July 2020 Yasuwe: 1795 0

Muhawenima na Runigababisha bari bakomeye mu buyobozi bw’abafana ba Rayon...

Umuyobozi w’abafana ba Rayon Sports,Claude Muhawenimana na Mike...
4 July 2020 Yasuwe: 2186 1