skol
Kigali
startimes

Lionel Messi yatangiye gushora intambara ku ikipe ya FC Barcelona

Imyidagaduro   Yanditswe na: Dusingizimana Remy 30 August 2020 Yasuwe: 3968

Kizigenza Lionel Messi yiyemeje guhangana n’ikipe ya FC Barcelona idashaka kumurekura aho yanze kwitabira inama y’ikipe n’abakinnyi no gupimwa Coronavirus biteganyijwe kuri iki cyumweru.


Messi yamaramaje kuva muri FC Barcelona,nyuma y’aho ubuyobozi bw’iyi kipe bwanze guhura nawe n’abamuhagarariye kugira ngo bumvikanye kubyo kumurekura akigendera.

Nkuko ikinyamakuru RAC1 na MARCA,Messi yabwiye FC Barcelona ko atarazakwitabira gahunda yo gusuzumwa Coronavirus iraba kuri iki cyumweru.

Ikipe ya Ronald Koeman izatangira imyitozo ku bakinnyi bose kuwa Mbere ariyo mpamvu bari bahamagaje buri mukinnyi wese ngo aze asuzumwe iki cyorezo ngo ku munsi w’ejo azatangire akazi.

Iyi nkuru ngo yababaje cyane FC Barcelona yari izi ko Messi azaza mu myitozo nk’ibisanzwe bakabona umwanya wo kuganira nawe ku byo yifuza byose.

Nubwo Messi yamaze gutangaza ko atazongera gukinira iyi kipe,ariko arashaka gutandukana nayo neza nubwo ari gukora ibi mu rwego rwo kwihutisha dosiye yo kumurekura akigendera ku buntu.

FC Barcelona ntikozwa ibyo kumurekura ku buntu muri iki gihe kubera ko ayifitiye amasezerano y’umwaka umwe ahubwo irashaka ko abamwifuza bakwishyura miliyoni 700 z’amayero.

Amakuru adasanzwe yiriwe avugwa ejo nuko ikipe ya Juventus nayo yahamagaye abahagarariye Messi ibabwira ko imwifuza ngo afatanye na Cristiano Ronaldo baheshe iyi kipe igikombe.

Ikinyamakuru l’Equipe cyavuze ko ubuyobozi bwa Juventus bwahamagaye mu ibanga se wa Lionel Messi witwa Jorge ari nawe umuhagarariye bumusaba ko yaza agafatanya na Cristiano Ronaldo bagashaka UEFA Champions League iyi kipe iheruka mu mwaka wa 1996.

Ku munsi w’ejo,iki kinyamakuru cyatangaje ko Lionel Messi yahisemo gukinira Manchester City aho kwerekeza muri Paris St-Germain, ndetse ngo aya makuru yatangajwe na se umubyara, akaba ari nawe umushakira amakipe.

Amakuru avuga ko Ku wa kabiri,ubwo Messi yamenyeshaga FC Barcelona ko yifuza kuyivamo,yabanje no guterefona Pep Guardiola, umutoza wa Man city, wigeze no gutoza Barca.

Yamubwiye ati: "Ndifuza gutwara imipira ya zahabu ibiri iri imbere, kandi mbona ko ibyo nabigeraho mu gihe naba ndi kumwe nawe".

Messi amaze imyaka 20 mu ikipe ya FC Barcelona aho yayifashije gutwara ibikombe byose bikomeye ku isi birimo LA liga 10 na Champions League 4 ndetse anatwariramo Ballon d’Or 6.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Diamond Platnumz yakoze benshi ku mutima kubera ibyo yakoreye...

Umuhanzi ukomeye muri Afurika Nasibu Abdoul Juma benshi uzwi nka Diamond...
29 November 2020 Yasuwe: 1407 0

Umukunzi wa Cristiano Ronaldo yasajije abakunzi be kubera ibyo yakoreye...

Umukunzi wa Cristiano Ronaldo,Georgina Rodriguez,yongeye gusaza abakunzi be...
29 November 2020 Yasuwe: 2440 0

Abakinnyi ba Bournemouth barakariye shebuja kubera ibyo yakoreye umugore...

Abakinnyi b’ikipe ya Bournemouth yo mu cyiciro cya kabiri mu Bwongereza...
29 November 2020 Yasuwe: 1802 0

Zinedine Zidane yahaye abanyamakuru igisubizo gitangaje nyuma yo gutsindwa...

Umutoza wa Real Madrid,Zinedine Zidane,utari kwitwara neza muri uyu mwaka...
29 November 2020 Yasuwe: 1591 0

APR FC yatanze icyizere cyo gusezerera Gor Mahia muri CAF Champions...

Ikipe ya APR FC yatsinze Gor Mahia mu mukino ubanza w’ijonjora rya mbere rya...
28 November 2020 Yasuwe: 1948 0

Umusifuzi Ali Bin Nasser wo muri Tunisia yishimiye ko yafashije Maradona...

Umusifuzi wo muri Tunisia wasifuye umukino Ubwongereza butazibagirwa...
28 November 2020 Yasuwe: 1680 0