skol
Kigali
startimes

Lionel Messi yigaranzuye Cristiano Ronaldo ku rutonde rw’abakinnyi binjije menshi mu 2020

Imyidagaduro   Yanditswe na: Dusingizimana Remy 15 September 2020 Yasuwe: 835

Rutahizamu Lionel Messi wa Barcelona ni we mukinnyi w’umupira w’amaguru winjiza amafaranga menshi kurusha abandi ku isi muri uyu mwaka wa 2020, nkuko bitangazwa n’ikinyamakuru Forbes cyandika ku nkuru z’ubukungu n’imari.

Forbes igereranya ko ku mwaka ubu Messi yinjiza miliyoni 126 z’amadolari y’Amerika.

Cristiano Ronaldo wa Juventus aza ku mwanya wa kabiri, Forbes igereranya ko ku mwaka yinjiza miliyoni 117 z’amadolari y’Amerika.

Neymar wa Paris Saint-Germain aza ku mwanya wa gatatu, mu gihe Kylian Mbappé bakinana aza ku mwanya wa kane.

Abakinnyi batatu bo muri shampiyona ya Premier League mu Bwongereza baje mu myanya 10 ya mbere. Aba ni Mohamed Salah, Paul Pogba na David de Gea.

Na Gareth Bale wa Real Madrid na we ari mu 10 ba mbere binjiza menshi kurusha abandi, nkuko Forbes ikomeza ibitangaza.

Bale ari ku mwanya wa munani aho yinjiza miliyoni 29 z’amadolari nubwo umwaka w’imikino 2019-2020 wamubereye mubi mu ikipe, akagirana ibibazo n’umutoza Zinedine Zidane ndetse agakina imikino ibiri gusa muri 14 ya nyuma ikipe ye yakinnye.

Rutahizamu Salah wa Liverpool aza ku mwanya wa gatanu, imbere ya Pogba ukina hagati muri Manchester United uza ku mwanya wa gatandatu, naho umunyezamu de Gea wa Manchester United akaza ku mwanya wa 10.

Rutahizamu Antoine Griezmann wa Barcelona yabaye uwa karindwi mu binjije menshi mu mwaka ushize w’imikino, naho rutahizamu Robert Lewandowski wa Bayern Munich aza ku mwanya wa cyenda.

Batatu ba mbere bakurikiranye nkuko byari byagenze mu mwaka wa 2019, nubwo Mbappé yazamutseho imyanya itatu akava ku mwanya wa karindwi akajya ku wa kane.

Messi, Umunya-Argentine w’imyaka 33, yagerageje kuva muri Barcelona kuri iyi mpeshyi ndetse yoherereza iyi kipe ubusabe bwe mu kwezi kwa munani.

Ariko nyuma yaho yafashe icyemezo cyo kuyigumamo kuko nta kipe yashoboraga kubona amafaranga yo kuriha kuri kontaro ye mbere yuko ava muri Barcelona.

Dore 10 ba mbere binjiza menshi ku rutonde rwa Forbes:

1. Lionel Messi (wa Barcelona na Argentina): miliyoni $126

2. Cristiano Ronaldo (wa Juventus na Portugal): miliyoni $117

3. Neymar (wa Paris St-Germain na Brazil): miliyoni $96

4. Kylian Mbappé (wa Paris St-Germain n’Ubufaransa ): miliyoni $42

5. Mohamed Salah (wa Liverpool na Misiri): miliyoni $37

6. Paul Pogba (wa Manchester United n’Ubufaransa): miliyoni $34

7. Antoine Griezmann (wa Barcelona n’Ubufaransa): miliyoni $33

8. Gareth Bale (wa Real Madrid na Wales/Pays de Galles): miliyoni $29

9. Robert Lewandowski (wa Bayern Munich na Pologne): miliyoni $28

10. David de Gea (wa Manchester United na Espagne): miliyoni $27

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Shampiyona y’umupira w’amaguru mu Rwanda iratangira uyu munsi,Rayon Sports...

Ku ya 13 Ukwakira 2020, Ishyirahamwe ry’Umupira w’Amaguru mu Rwanda (FERWAFA)...
4 December 2020 Yasuwe: 599 0

Neymar Jr arashinjwa gukorera igikorwa cya Kinyamaswa umukinnyi wa...

Rutahizamu Neymar Jr w’ikipe ya PSG mu Bufaransa waraye wongeye kwereka isi...
3 December 2020 Yasuwe: 3092 0

Bosnjak watozaga u Rwanda muri Basketball yeguye ku mirimo ye nyuma yo...

Vladimir Bosnjak wari umutoza mukuru w’ikipe y’igihugu y’u Rwanda mu mukino...
3 December 2020 Yasuwe: 531 0

Neymar Jr yateje impaka ubwo yemezaga ko umwaka utaha azakinana na...

Rutahizamu Neymar Jr waraye witwaye neza cyane mu mukino wa UEFA Champions...
3 December 2020 Yasuwe: 1595 0

APR FC yamaze kugera muri Kenya guhangana na Gor Mahia

Ku mugoroba wo kuri uyu wa gatatu saa kumi n’igice, ikipe y’ingabo z’igihugu...
3 December 2020 Yasuwe: 1146 0

Real Madrid yiyemeje kugurana Eden Hazard undi mukinnyi mwiza ku...

Ikipe ya Real Madrid iri mu bihe bibi cyane muri uyu mwaka w’imikino,yatangiye
2 December 2020 Yasuwe: 3422 0