Kigali
startimes

Lionel Messi yiyemeje gutanga akayabo k’amamiliyoni kugira ngo afunguze Ronaldinho

Imyidagaduro   Yanditswe na: Dusingizimana Remy 12 March 2020 Yasuwe: 6130

Rutahizamu wa FC Barcelona,Lionel Messi yanze gutererana inshuti ye Ronaldinho uri mu byago aho yiyemeje kwishyura miliyoni zirenga 13 z’amadolari,arimo agomba kwishyurwa igihugu cya Paraguay kugira ngo kimufungure n’amadeni abereyemo abantu.



Ronaldinho yagize uruhare runini cyane mu gufasha Messi wari muto kuzamukira muri FC Barcelona yari ayoboye nka kizigenza ariyo mpamvu uyu munya Argentina nawe yifuza kumwitura iyi neza akamufunguza.

Lionel Messi yanze kwirengagiza umubano mwiza yagiranye na Ronaldinho ariyo mpamvu ashaka kwishyura igifungo cya Ronaldinho n’uyu murumuna we Roberto bakarekurwa.

Ibinyamakuru byo muri Espagne byatangaje ko Messi yahaye akazi abanyamategeko bakomeye azishyura miliyoni 4 z’amayero kugira ngo bitendeke kuri iki kirego cya Ronaldinho bamufunguze uko byagenda kose.

Nkuko twagiye tubibagezaho,Ronaldinho ari mu bukene bukabije aho kuri ubu afite umwenda uremereye wa Miliyoni 9 z’amayero yiganjemo n’amande yagiye acibwa na Leta ashinjwa kwangiza ibidukikije.

Uyu mwenda wose n’abanyamategeko bo kumufunguza,Messi yiyemeje kubyishyurira Ronaldinho kugira ngo asohoke muri gereza yongere yidegembye.

Ronaldinho na murumuna we, Roberto Assis, bafatiwe muri Paraguay ku wa Gatanu w’icyumweru gishize bafite pasiporo z’impimbano z’icyo gihugu,bahita bajyanwa muri gereza.

Aba bombi bagejejwe imbere y’urukiko bavuga ko batari bazi ko izi pasiporo bari bafite ari impimbano gusa iki cyaha kiramutse kibahamye bafungwa amezi 6 muri gereza.

Kuwa 07 Werurwe 2020 nibwo Ronaldinho n’umuvandimwe we Roberto de Asis bajyanwe mu rukiko rw’ikirenga bambaye amapingu.

Ronaldinho n’umuvandimwe we Roberto de Asis bafatiwe muri Paraguay ubwo bari bitabiriye ubutumire bw’umwe mu bagabo bafite inzu y’urusimbi,aho bagombaga kwitabira ibikorwa by’umupira w’amaguru w’abana no kumurika igitabo.

Ronaldinho w’imyaka 39 yaretse umupira muri 2015,yatowe nk’umukinnyi w’umwaka ku Isi mu 2004 na 2005, yatwaranye na Brazil igikombe cy’Isi mu 2002 ndetse na UEFA Champions League na FC Barcelona mu 2006.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble sezikeye

    Inshuti nyakuri uyibona mu byago.Azamutangira hafi 13 billions (milliards).Uru nirwo rukundo Imana idusaba.Gusa ntabwo biba bihagije kugirira neza abantu.Iyo wize bibiliya,nibwo umenya neza ibyo Imana idusaba.Urugero,Imana itubuza kwibera mu gushaka ibyisi gusa,ahubwo tugomba no gushaka Imana cyane.Nkuko bibiliya ivuga,abibera mu byisi gusa,ntabwo bazaba muli paradizo.Nicyo cyaha abantu nyamwinshi bazazira nkuko byagenze ku gihe cya Nowa.

    4 months ago

Inzindi nkuru

Varane yasubije umuyobozi wa FC Barcelona wibasiye Real Madrid

Myugariro w’ikipe ya Real Madrid Raphael Varane yabwiye umuyobozi wa FC...
11 July 2020 Yasuwe: 1780 0

March Generation Fan club yacitsemo ibice biyiviramo kuva ku rutonde rwa...

Itsinda ry’abafana ba Rayon Sports rya March Generation risanzwe ritanga...
11 July 2020 Yasuwe: 2407 0

Uwahoze ari umuganga wa Liverpool yavuze ukuntu Steven Gerrard yakomeretse...

Uwahoze ari umuganga wa Liverpool witwa Andrew Massey yavuze ko mu mikino...
11 July 2020 Yasuwe: 1331 0

Real Madrid ikomeje gusatira igikombe cya shampiyona idaheruka

Real Madrid ubu birayisaba gutsinda imikino ibiri ngo yegukane igikombe cya...
11 July 2020 Yasuwe: 2129 0

Bola Lobota Emmanuel azakinira ikipe ya Rayon Sports umwaka...

Umukinnyi Bola Lobota waherukaga gusinyira ikipe ya Gasogi United,biravugwa...
10 July 2020 Yasuwe: 4403 1

Cristiano Ronaldo ashobora guhura na Real Madrid muri 1/4 cya UEFA...

Uyu munsi habaye tombola ya 1/4 cya UEFA Champions League yarangiye amakipe...
10 July 2020 Yasuwe: 1706 0