skol
Kigali
startimes

Liverpool FC yegukanye Shampiyona yari imaze imyaka 30 itegereje

Imyidagaduro   Yanditswe na: Dusingizimana Remy 26 June 2020 Yasuwe: 776

Ikipe ya Liverpool FC yegukanye igikombe cya Shampiyona y’Umupira w’Amaguru mu Bwongereza, yaherukaga gutwara mu myaka 30 ishize.


Iyi kipe y’ubukombe ku mugabane w’i Burayi yegukanye shampiyona yayo ya mbere kuva yakwitwa Premier League,nyuma y’aho ikipe ya Manchester City itsindiwe na Chelsea ibitego 2-1.

Liverpool yegukanye igikombe cya shampiyona y’u Bwongereza y’uyu mwaka w’imikino wa 2019-2020,yaherukaga gutwara mu 1990.

Liverpool FC yegukanye iki gikombe mu gihe hasigaye imikino irindwi ngo shampiyona irangire.

Liverpool yatwaye iki gikombe,Ku wa Gatatu yari yatsinze Crystal Palace ibitego 4-0, itegereza ibiva mu mukino wa Manchester City ko yatsindwa cyanga ikanganya.

Iyi kipe yatwaye igikombe cya 19 nyuma yuko Manchester City iyikurikiye ku rutonde rwa shampiyona yananiwe kwikura imbere ya Chelsea yayitsinze 2-1 mu mukino wabereye i Stamford Bridge.

Liverpool FC ifite amanota 86 nubwo yatsindwa imikino yose isigaye uko ari 7 ntabwo Manchester City ya kabiri ifite amanota 63 yakuramo ikinyuranyo cy’amanota iyirusha.

Muri uyu mukino wabereye i Stamford Bridge, ku kibuga cy’ikipe ya Chelsea, kuri uyu wa Kane tariki 26 Kamena 2020,Chelsea yafunguye amazamu ku munota wa 36 ku gitego cyatsinzwe na Pulisic cyaje kwishyurwa na Kevin Debrune ku munota wa 55 kuri coup franc.

Ku munota wa 78,myugariro wa Manchester City, Fernandinho yagaruye umupira waganaga mu izamu n’intoki ahita ahabwa ikarita y’umutuku ndetse na Chelsea ihabwa penaliti yinjijwe neza na Willian.Chelsea yatsinze ibitego 2-1.

Kuri ubu, Liverpool iri ku mwanya wa mbere n’amanota 86, irusha Manchester City ya kabiri amanota 23 (63), bivuze ko naho Manchester City yatsinda imikino 7 isigaye Liverpool ikayitsindwa,ntabwo yakuramo ikinyuranyo yashyizwemo kuko yagira 21 mu gihe irushwa 23.

Liverpool ikaba itwaye iki gikombe cya shampiyona ku nshuro ya 19, biyigira iya kabiri itwaye byinshi inyuma ya Manchester United ifite 20.

Liverpool yashyizeho agahigo ko kuba ikipe ya mbere itwaye igikombe hakiri kare mu mateka ya shampiyona y’u Bwongereza, kuko yabikoze hasigaye imikino 7.

Umutoza Jurgen Klopp, yambaye umwenda wa Liverpool kandi afite amarangamutima yabwiye Sky Sports ati: "Nta amagambo mfite, birenze intekerezo.

"Birenze uko natekerezaga ko bishoboka, gutwara igikombe n’iyi kipe ni ibintu byiza cyane.

"Ntabwo narindiriye imyaka 30, hano mpamaze imyaka ine n’igice, ariko ni ikintu tugezeho, cyane cyane no kubera amezi atatu tudakina kuko ntawari uzi ko tuzongera gukina.

"Ndabizi ubu birakomeye ku bantu, ariko ntabwo twakwifata. Turaza kwishimana n’abafana bacu nibishoboka".

Liverpool yahoze ari ikipe ikomeye, yatwaye ibikombe 11 bya shampiyona hagati ya 1973 na 1990, kuva icyo gihe hakurikiyeho ibihe bibi by’umwuma.

Liverpool ubu yongeye gutwara iki gikombe ariko inafite amahirwe yo guca umuhigo wo kurenza amanota 100 muri shampiyona - ufitwe na Man City - ibintu bigishoboka mu mikino isigaye.

Liverpool ubu ifite amanota 86, n’umuhigo w’imikino 28 yatsinze, kunganya kabiri no gutsindwa rimwe mu mikino 31.

Iciye umuhigo kandi wo gutwara igikombe irusha ikipe iyikurikiye amanota 23, ibitarigeze bibaho mbere mu mateka y’iyi shampiyona.

Liverpool ubu niyo kipe ya mbere mu Bwongereza, niyo yambere iburayi nyuma yo gutwara igikombe cya Champions League giheruka mu kwa 06/2019, ni nayo kipe ya mbere ku isi nyuma yo kwegukana igikombe cy’amakipe akomeye ku isi mu kwa 12/2019.

Nyuma yo gutwara shampiyona ibihumbi by’abafana ba Liverpool birengagije amategeko y’umukwabu yo kwirinda coronavirus bahita bajya kuri Anfield kwishimira iyo ntsinzi.




Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Luis Suarez yahishuye ikintu gikomeye Lionel Messi yamusabye akamwima...

Mu ijoro ryakeye nibwo ikipe ya Atletico Madrid yatangaje ku mugaragaro ko...
24 September 2020 Yasuwe: 2528 0

Nubwo umuti washariraga ariko mu nyungu rusange wari ngombwa-Sadate...

Uyu munsi nibwo habaye ihererekanyabubasha hagati y’umuyobozi wa Rayon...
24 September 2020 Yasuwe: 1781 0

Byinshi wamenya ku munyezamu Edouard Mendy waguzwe n’ikipe ya...

Chelsea imaze kugura umunyezamu Edouard Mendy wakinaga muri Rennes yo mu...
24 September 2020 Yasuwe: 1373 0

Murenzi Abdallah yavuze aho azakura imbaraga zo gusubiza Rayon Sports ku...

Umuyobozi w’inzibacyuho wa Rayon Sports,Murenzi Abdallah aratangaza koi...
24 September 2020 Yasuwe: 2535 0

Mikel Arteta yavuze impamvu itangaje ataraha umwanya Mesut Ozil muri uyu...

Ikipe ya Arsenal yaraye itsinze umukino wa 3 wikurikiranya muri uyu mwaka...
24 September 2020 Yasuwe: 1356 0

Murenzi Abdallah yagizwe perezida w’inzibacyuho wa Rayon Sports...

Urwego rw’igihugu rw’imiyoborere,RGB,rwatangaje ko Murenzi Abdallah wigeze...
23 September 2020 Yasuwe: 2139 0