skol
Kigali
startimes

Liverpool yatakaje agahigo gakomeye yari ifite ikomeza kujya mu bihe bibi

Imyidagaduro   Yanditswe na: Dusingizimana Remy 22 January 2021 Yasuwe: 4158

Ikipe ya Liverpool imaze iminota 438 itinjiza igitego mu izamu ry’ikipe bahanganye,yaraye itsindiwe ku kibuga cyayo na Bunley igitego 1-0,bituma itakaza agahigo keza cyane ko kudatsindirwa ku kibuga cyayo yari ifite cyane ko hari hashize imikino 68 idatsindirwa ku kibuga Anfield Road.


Bunley yaraye ihagaritse agahigo ka Liverpool, yari imaze imikino 68 yikurikiranya idatsindirwa mu rugo muri shampiyona aho yayitsinze igitego 1-0 cyatsinzwe na Ashley Barnes kuri penaliti.

Liverpool yaherukaga gutsindirwa mu rugo na Crystal Palace kuwa 23 Mata 2017 ibitego 2-1 ariko kuva uwo munsi yahise isezera gutsindirwa ku kibuga cyayo kugeza ku munsi w’ejo ubwo yatsindwaga n’iyi kipe iri guhangana no kutamanuka mu cyiciro cya kabiri.

Umutoza wa Liverpool,Jurgen Klopp yatangaje ko amakosa yo gutsindwa ku ikipe ye ari ku mutwe we kuko mbere y’umukino yatekerezaga ko atawutsindwa.

Ati “Dutakaje umukino natekerezaga ko bidashoboka ko twawutsindwa.Ni ikosa ryanjye kuko akazi kanjye ari ako kumenya ko buri mukinnyi ameze neza,afite icyizere gihagije, ndetse ko banafata ibyemezo byiza.

Twagumanye umupira cyane,twakoze amahirwe menshi.Byari byiza ariko ku munota wa nyuma ibyemezo twafashe ntabwo byabaye byiza.Twashakaga umupira mu mwanya mwiza ariko twateraga hanze.

Ibi ni nabyo navuze mu cyumweru gishize.Ikibazo gihari nuko hari ibitari gukunda,dukeneye kugereageza cyane,tugafata umwanzuro ukwiriye.Iri joro ntabwo byakunze,tugomba kubyemera.Nta kindi cyo kuvuga niyo mpamvu twatsinzwe.”

Liverpool yahushije ibitego byinshi mu mukino birimo n’igitego cyahushijwe na Divock Origi wakubise igiti cy’izamu.

Nyuma y’iminota 19 ya shampiyona,Liverpool igifite igikombe cya shampiyona iri ku mwanya wa 4 n’amanota 34 aho irushwa amanota 6 na Manchester United ndetse ararushwa amanota 4 na Manchester City.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Cristiano Ronaldo yahishuye ikintu atinya ko umwana we yazakora

Kizigenza mu mupira w’amaguru ku isi, Cristiano Ronaldo yabwiye inshuti ye...
5 March 2021 Yasuwe: 4566 0

Yishe ababyeyi be bombi na mushiki we abahoye kumuhatiriza kujya ku...

Umwana w’imyaka 17 witwa Vadim Gorbunov ukomoka mu Burusiya yishe ababyeyi...
4 March 2021 Yasuwe: 3552 0

N’Golo Kante yavuze umutoza yakunze muri Chelsea n’impamvu yanze gukinira...

Umufaransa N’golo Kante yatangaje ko yanze kwerekeza mu ikipe PSG ubwo...
4 March 2021 Yasuwe: 4000 0

Abakinnyi 2 ba Manchester United bagaragaye bari gutukana kubera umusaruro...

Mu ijoro ryakeye,Manchester United yongeye kunganya 0-0 muri shampiyona na...
4 March 2021 Yasuwe: 4526 0

Ivan Minnaert yashimiye Rayon Sports nyuma yo kumwishyura amafaranga ye...

Ikipe ya Rayon Sports yamaze kwishyura Ivan Minnaert umwenda w’amafaranga...
3 March 2021 Yasuwe: 4169 1

FERWAFA yashyize hanze impamvu yatumye Mashami Vincent yongererwa...

Kuri uyu wa Gatatu tariki ya 03 Werurwe 2021,nibwo FERWAFA yashyize hanze...
3 March 2021 Yasuwe: 3899 2