Kigali

Liverpool yatangiye kwanikira abakeba barimo Manchester City yahaye isomo rya ruhago

Imyidagaduro   Yanditswe na: Dusingizimana Remy 10 November 2019 Yasuwe: 2543

Ibitego bya Fabinho,Mohamed Salah na Sadio Mane byafashije ikipe ya Liverpool kwereka isi yose ko uyu mwaka w’imikino ifite gahunda ihamye yo kwegukana igikombe cya shampiyona y’Ubwongereza iheruka mu mwaka wa 1990.



Imbere y’abakunzi bayo ku kibuga Anfield,Liverpool yashimangiye ubudahangarwa muri shampiyona y’uyu mwaka ubwo yatsindaga Manchester City ibitego 3-1 mu mukino w’umunsi wa 12 wa shampiyona.

Manchester City yari yaje ku kibuga cya Liverpool idafite bamwe mu bakinnyi bayo barimo Aymeric Laporte,umunyezamu wayo wa mbere Ederson, David Silva na Benjamin Mendy.

Manchester City yari yoroshye cyane mu bwugarizi,yazamukanye umupira ku munota wa 06, Bernardo Silva agerageza kuwugarura mu rubuga rw’amahina ugarurwa n’ukuboko kwa Trent Alexander Arnold ariko umusifuzi Micheal Oliver avuga ko nta penaliti yabaye.

Liverpool yahise izamukana uyu mupira,Sadio Mane awutera mu rubuga rw’amahina rwa Manchester City,ba myugariro bayo birwanaho bawusohora usanga Fabinho aho yari ahagaze atera ishoti rikomeye ryabyaye igitego cya mbere cya Liverpool.

Ku munota wa 13 Liverpool yahise ibona igitego cya 3 cyatsinzwe na Mohamed Salah n’umutwe ku mupira mwiza yahawe na Andrew Robertson.

Liverpool yatsinze igitego cya 3 ku munota wa 51 gitsinzwe na Sadio Mane n’umutwe ku mupira mwiza yahawe na Jordan Henderson.

Umunyezamu Claudio Bravo yakoze ikosa ryo kureka uyu mupira wa Henderson umurengaho yanga kuwukubita ibipfunsi wisangira Sadio Mane.

Uyu munyezamu Bravo yitwaye nabi ntibyafasha ikipe ya Manchester City ifite ibikombe 2 bya shampiyona biheruka,nubwo yabonye igitego cy’impozamarira ku munota wa 78 w’umukino gitsinzwe na Bernardo Silva.

Ku munota wa 82 umusifuzi Micheal Oliver yateje umwuka mubi ubwo yangaga guha Manchester penaliti ku mupira Trent Alexander Arnold yagaruriye mu rubuga rw’amahina ku nshuro ya kabiri muri uyu mukino.

Pep Guardiola yarakajwe n’iki cyemezo agaragaza uburakari bwinshi ubwo yegeraga umusifuzi Mike Dean bishobora kuzamuviramo guhanwa.

Gutsinda uyu mukino byafashije Liverpool kuyobora Shampiyona n’amanota 34 aho irusha Leicester City ya kabiri amanota 26 inganya na Chelsea FC ya 3 mu gihe Manchester City iri ku mwanya wa 4 n’amanota 25.








Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Imikino y’umunsi wa 14 wa shampiyona y’u Rwanda irakomeje,reba abakinnyi...

Shampiyona y’ u Rwanda mu mupira w’amaguru irakomeza kuri uyu wa gatandatu...
11 December 2019 Yasuwe: 3220 0

Sergio Ramos yasabye ikintu gitangaje abategura ibihembo bya Ballon...

Kapiteni wa Real Madrid, Sergio Ramos,yavuze ko Cristiano Ronaldo na Lionel...
11 December 2019 Yasuwe: 3521 0

Carlo Ancelotti yirukanwe ku kazi nyuma y’amasaha make afashije Napoli...

Umutoza w’umunyabigwi I Burayi,Carlo Ancelotti yirukanwe ku kazi nyuma...
11 December 2019 Yasuwe: 1746 0

UCL: Liverpool yasimbutse umutego ukomeye yari yatezwe mu gihe Inter Milan...

Ikipe ya Inter Milan na Ajax zahabwaga amahirwe yo kugera muri 1/16 cya...
11 December 2019 Yasuwe: 2214 0

Umuhungu wa Cristiano Ronaldo yongeye kuvugwa cyane kubera ibyo yakoreye...

Umuhungu wa Cristiano Ronaldo,Cristiano Jr,yongeye kugaruka mu binyamakuru...
10 December 2019 Yasuwe: 5665 1

Biravugwa:Rutanga Eric mu nzira zo gutandukana n’ikipe ya Rayon...

Rutanga Eric ukina yugarira aca ku mpande akaba na kapiteni wa Rayon Sports...
10 December 2019 Yasuwe: 4789 0