Kigali
startimes

Luka Modric yahishuye uko Mourinho yari agiye kurwanira na Cristiano Ronaldo mu rwambariro

Imyidagaduro   Yanditswe na: Dusingizimana Remy 6 June 2020 Yasuwe: 2834

Umukinnyi wo hagati mu ikipe ya Real Madrid yatangaje ko muri 2013 mugenzi we Cristiano Ronaldo n’uwari umutoza wabo Jose Mourinho bari bagiye gufatana mu mashati bapfa ko uyu mutoza yanenze Ronaldo.



Modric yavuze ko kizigenza Cristiano Ronaldo na Jose Mourinho bari bagiye kurwanira mu rwambariro nyuma y’aho uyu mutoza yatutse uyu rutahizamu amuziza ko atagiye gufasha ubwugarizi.

Modric waguzwe na Mourinho mu mpeshyi yo muri 2012,yavuze ko muri 2013,Jose Mourinho yatutse cyane Cristiano Ronaldo amuziza ko ngo atakurikiye umukinnyi bari barenguriye umupira ngo awumwake birakaza cyane uyu rutahizamu niko gushaka gufatana na Mourinho mu rwambariro.

Modric yanditse mu gitabo cye My Game ati “Natunguwe cyane n’ukuntu Mourinho yitwaye.Twari twatsinze ibitego 2-0 mu mukino wa Copa del Rey.Ronaldo yanze kwiruka ku mukinnyi bari barenguriye umupira bituma Jose amurakarira cyane.

Bombi bashwaniye kenshi mu kibuga.Ubwo bombi bari bagarutse mu rwambariro igice cya mbere kirangiye,nabonye Cristiano Ronaldo yarakaye cyane hafi no kurira.Yahise avuga ati “Nakoze ibishoboka byose ariko akomeza kunenga.

Mourinho yahise yinjira mu rwambariro atangira kunenga Cristiano ko hari inshingano yirengagije mu mukino.Bahise bose bashyuha mu mutwe bashaka kurwana nuko habaye ubutabazi bw’abakinnyi,intambara iba yararose.

Real Madrid yageze ku mukino wa nyuma wa Copa del Rey ariko ntiyabasha gutwara igikombe kuko yatsinzwe na Atletico Madrid ibitego 2-1.

Mu myaka 3 Mourinho yamaze muri Real Madrid,yagerageje gutwara ibikombe byo mu rugo ariko I Burayi haramuzengereje kubera ubukaka bwa FC Barcelona na Bayern Munich zari ku rwego rwo hejuru muri 2012 na 2013.

Nyuma yo kwirukanwa kwa Mourinho,haje Carlo Ancelotti wahesheje Real Madrid UEFA Champions League 2014 nyuma gato haza Zidane watwaye 4 zikurikiranya hagati ya 2016 -2018.

Mu gihe cy’imyaka 3 Mourinho yamaze atoza Madrid,Cristiano Ronaldo yatsinze ibitego 168 mu mikino 164 yakinnye.



Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Jose Mourinho yishimiye ko abakinnyi be bari bagiye kurwanira mu...

Umutoza wa Tottenham,Jose Mourinho yishimiye ko abakinnye be Heung Min Son...
7 July 2020 Yasuwe: 2776 0

Cassa Mbungo yatangaje ikintu cyamubabaje muri Rayon Sports ayisaba no...

Uwari umutoza wa Rayon Sports,Cassa Mbungo Andre yatangaje ko yababajwe no...
7 July 2020 Yasuwe: 3207 0

Manace Matatu waguzwe na Rayon Sports yahaye isezerano rikomeye...

Umukinnyi Manace Matatu wasinyiye Rayon Sports amasezerano y’imyaka 3...
6 July 2020 Yasuwe: 3498 0

Gasingwa Michel wari ukuriye komisiyo y’abasifuzi yeguye ku mirimo...

Uwahoze ari umusifuzi mpuzamahanga w’Umunyarwanda,Gasingwa Michel, wari...
6 July 2020 Yasuwe: 1256 0

Perezida wa FC Barcelona yakuriye inzira ku murima abifuzaga kujyana Messi...

Perezida w’ikipe ya Barcelona yavuze ko Lionel Messi "azasoreza akazi ke...
6 July 2020 Yasuwe: 1062 0

Zinedine Zidane yatangaje ikintu kiri kumutera umujinya muri iyi minsi Real...

Umutoza w’ikipe ya Real Madrid ,Zinedine Zidane,yatangaje ko amaze...
6 July 2020 Yasuwe: 5196 0