addresiya
Kigali
startimes

Manchester City yahagaritse Liverpool yari yarananiranye muri Premier League

Imyidagaduro   Yanditswe na: Dusingizimana Remy 4 January 2019 Yasuwe: 1967

Manchester City yabaye ikipe ya mbere yatsinze Liverpool muri Premier League 2018/2019 kuko ku mukino w’umunsi wa 21 wa Premier League yayitsinze ibitego 2-1.



Manchester City yari imbere y’abafana bayo,yeretse Liverpool ko ikiri mu rugamba rwo guhatanira igikombe cya shampiyona iyitsinda ibitego 2-1 byatsinzwe na Sergio Kun Aguero na Leroy Sane mu gihe Liverpool yatsindiwe na Firmino.

Liverpool niyo yabonye amahirwe akomeye yo gufungura amazamu ku munota wa 20 ubwo Sadio Mane yacikaga yugariro John Stones atera umupira ukubita igiti cy’izamu ugarutse Stones awushota umunyezamu ugana mu izamu ku bw’amahirwe ya Manchester City ntiwarenga umurongo.

Manchester City yabonye amahirwe ku munota wa 40 ifungura amazamu ku gitego cyiza cyane cyatsinzwe na Sergio Aguero ku mupira mwiza yahawe na Bernardo Silva.Igice cya mbere cyarangiye City iyoboye n’igitego 1-0.

Mu gice cya kabiri Liverpool yaje yariye karungu isatira Manchester City cyane byatumye rutahizamu Roberto Firmino yiba umugono ba myugariro yishyurira Liverpool ku munota wa 64.

Manchester City yagerageje gushaka ikindi gitego biza kuyihira ku munota wa 72, ubwo Leroy Sane yasigaranaga n’umunyezamu Alisson Becker akamutera ishoti rikomeye mu Nguni atarimo umupira ugonga igiti cy’izamu ujya mu rushundura.

Manchester City yari imbere y’abakunzi bayo yabonye amahirwe akomeye agera kuri 2 ba rutahizamu bayo barimo Aguero na Sterling bayapfusha ubusa bituma umukino urangira City iyoboye n’ibitego.

Gutsinda Liverpool bifashije Manchester City kuzamuka ku mwanya wa 2 ku rutonde rw’agateganyo rwa shampiyona n’amanota 50 inyuma ya Liverpool ya mbere ifite amanota 54, Tottenham iri ku mwanya wa 3 n’amanota 48.

Liverpool yari imaze imikino 20 idatsindwa muri shampiyona y’Ubwongereza ihagaritswe na Manchester City yari imaze igihe idahagaze neza kuko yaherukaga gutsindwa na Crystal Palace na Leicester City.




Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Munyakazi Sadate yandikiye Perezida Kagame amusaba kumufasha gukemura...

Umuyobozi w’ikipe ya Rayon Sports,Munyakazi Sadate yandikiye Nyakubahwa...
25 May 2020 Yasuwe: 2800 0

KNC yatangaje igihe ikipe ye ya Gasogi United izatangira gukinira kuri...

Umuyobozi w’ikipe ya Gasogi United,Kakooza Nkuriza Charles uzwi nka KNC...
25 May 2020 Yasuwe: 2866 0

Rayon Sports yatakaje undi mukinnyi ukomeye yagenderagaho

Ikipe ya Rayon Sports iri mu bihe bibi cyane yatakaje myugariro wayo...
25 May 2020 Yasuwe: 2417 0

Paul Muvunyi yabeshye aba-Rayon Bisi ’Bus’ none ijyanwe mu cyamunara

Imodoka yo mu bwoko bwa Bisi ’Bus’ yarisanzwe izwi ko ari iy’ikipe ya Rayon...
24 May 2020 Yasuwe: 6577 3

Usain Bolt arashinjwa gushaka guca inyuma umugore we ubwo yari...

Umunya Jamaica witwa Usain Bolt wamaze igihe kinini ari nimero ya mbere ku...
24 May 2020 Yasuwe: 1194 1

Iragire saidi yatangiye kotsa igitutu Rayon Sports ngo imurekure yerekeze...

Myugariro Iragire Saidi yamaze kwandikira RAYON SPORTS FC ayisaba kumuha...
24 May 2020 Yasuwe: 2207 1