Ikipe ya Manchester City yanyagiye Watford ibitego 6-0 ku mukino wa nyuma wa FA Cup ica agahigo ko kuba ikipe ya mbere itwaye ibikombe byose bukinirwa mu Bwongereza mu mwaka w’imikino umwe.

Sponsored Ad

Manchester City ntiyatereranye abakunzi ba ruhago benshi ku isi bayihaga amahirwe menshi,kuko yanyagiye ikipe ya Watford ibitego 6-0 muri uyu mukino wabereye ku kibuga Wembley.

Manchester City yafunguye amazamu ku munota wa 22 ku gitego cyatsinzwe na David Silva,hanyuma ku munota wa 26 Raheem Sterling ashyiramo icya kabiri cyatumye igice cya mbere kirangira iyoboye.

Mu gice cya kabiri Manchester City yaje yariye karungu itsinda ibitego 4 birimo 2 bya Sterling,Kevin de Bruyne na Gabriel Jesus ashyiramo ikindi.

Umukinnyi Raheem Sterling yatsinze ibitego 3 wenyine muri uyu mukino birimo icyateye benshi urujijo benshi bakeka ko cyatsinzwe na Gabriel Jesus kuko yakoze ku mupira usa n’uwarenze umurongo.

Manchester City yatwaye ibikombe byose bikinirwa mu Bwongereza birimo FA Community Shield,Carabao Cup,Premier League na FA Cup yatwaye uyu munsi.