skol
Kigali
startimes

Manchester City yatanze akayabo k’amamiliyoni n’abakinnyi 3 kugira ngo ibone Messi

Imyidagaduro   Yanditswe na: Dusingizimana Remy 28 August 2020 Yasuwe: 5287

Ikipe ya Manchester City yateye intambwe ikomeye yo gushaka Lionel Messi utagishaka gukinira FC Barcelona kuko yatanze miliyoni 90 z’amapawundi yongeraho n’abakinnyi 3 barimo Bernardo Silva, Gabriel Jesus na Eric Garcia kugira ngo imubone.


Nubwo Messi yabwiye FC Barcelona ko ashaka kugendera Ubuntu,ikipe ya Manchester City yabonye bitakoroha kumubona ntacyo itanze ariyo mpamvu yatanze aka kayabo.

City yamaze guhamagara ubuyobozi bwa FC Barcelona kugira ngo bavugane kuri gahunda yo kugura Messi ari nabwo yahise itanga aba bakinnyi n’amafaranga.

Ikipe ya City yizeye neza ko izabona uyu mukinnyi wa mbere ku isi kubera ko nawe umutima we wamaze kuva I Barcelona.

Amakuru aravuga ko Messi asigaye avugana ubutitsa na Pep Guardiola bakoranye muri FC Barcelona kugira ngo bongera bakorane muri City.

Amakuru avuga ko Messi agiye kwiga n’icyongereza kugira ngo yisange mu Bwongereza nyuma y’imyaka 20 amaze muri Espagne.

Manchester City irashaka kurekura Silva, Jesus na Garcia bakerekeza muri FC Barcelona yarangiza ikanongeraho izindi miliyoni 90 kugira ngo iyi kipe yo mu mujyi wa Catolona yoroshye ingingo zo kurekura Messi.

Mu minsi ishize,umutoza Pep Guardiola wa City yabwiye abanyamakuru ko yifuza Messi ariko ko inama yamugira ari uko yaguma mu ikipe ya FC Barcelona yamuzamuye.

Bamwe mu bahoze bayobora FC Barcelona n’abari kwiyamamaza bari Joan Laporta yasabye ko perezida w’ikipe Josep Maria Bartomeu yegura akava mu ikipe kugira ngo Messi yisubireho agume mu ikipe cyane ko bamaze igihe batumvikana kubera kutubaka ikipe ikomeye.

Ikipe ya FC Barcelona yemereye The Associated Press ko uyu mukinnyi yamaze kubandikira urwandiko abamenyesha ko ashaka kwigendera byatumye ihita ikora inama y’igitaraganya yiga ku kibazo cye.

Nyuma y’aho FC Barcelona inyagiwe na Bayern Munich ibitego 8-2 mu mukino wa ¼ cya UEFA Champions League,Messi yatahanye umujinya ukomeye byatumye afata umwanzuro ko atazongera gukinira FC Barcelona.

Ubuyobozi bwa FC Barcelona bwasubije Messi ko bwifuza ko yaguma mu ikipe yabyanga bagahangana nawe mu mategeko cyane ko abafitiye amasezerano y’umwaka umwe bitashoboka ko agendera Ubuntu.

Kizigenza Lionel Messi amaze imyaka 16 muri FC Barcelona aho amaze kuyitsindira ibitego 634 mu mikino 731 amaze kuyikinira.

Messi yatwariye Ballon d’or 6 muri iyi kipe ndetse ayitwaramo n’ibikombe byinshi cyane birimo LA LIGA 10 na Champions League 4.

Abafana ba FC Barcelona baraye bakoze imyigaragambyo hanze y’ikibuga Camp Nou basaba ko Messi yaguma mu ikipe hanyuma perezida Bartomeu akeguzwa kuko ngo ariwe watumye uyu kapiteni abihirwa akifuza kwigendera.

Aba bafana bumvikanye bavuza induru ngo "Bartomeu, dimissió," bisobanura ngo Bartomeu yeguzwe.Aba bafana basabaga ko Messi aguma mu ikipe.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Amavubi yageze Amahoro mu mujyi wa Limbe agomba guhanganiramo na...

Ikipe y’igihugu "Amavubi" yageze mu mujyi wa Limbe ivuye Douala aho izakina...
24 January 2021 Yasuwe: 3382 0

Didier Gomes Da Rosa watoje Rayon Sports yerekeje muri Simba...

Umutoza Didier Gomes Da Rosa, ufite ubwenegihugu bw’Ubufaransa na Portugali,...
24 January 2021 Yasuwe: 3446 0

Irambona Eric wagize imvune yabazwe

Myugariro wa Kiyovu Sports,Irambona Eric yabazwe imvune yari afite, Kuwa...
24 January 2021 Yasuwe: 3738 0

“Ronaldo ntabwo ari umukinnyi mwiza ku isi”-George Weah

Nk’uko byatangajwe na George Weah wigeze gutsindira Ballon d’or ndetse kuri...
24 January 2021 Yasuwe: 5174 0

Inshoreke za Diego Maradona zashwaniye ku karubanda zipfa umutungo wa...

Nyakwigendera Diego Maradona watabarutse mu mpera z’umwaka ushize yasize...
23 January 2021 Yasuwe: 5224 0

Cristiano Ronaldo na Lionel Messi batunguye isi yose kubera akayabo banze...

Abakinnyi ba mbere ku isi mu myaka irenga 10 ishize aribo Cristiano Ronaldo...
23 January 2021 Yasuwe: 7962 0