skol
Kigali
startimes

Manchester United irifuza gusinyisha abakinnyi 4 bagiye kurekurwa na FC Barcelona

Imyidagaduro   Yanditswe na: Dusingizimana Remy 18 August 2020 Yasuwe: 4971

Nk’ikipe ishaka kwiyubaka,Manchester United irashaka abakinnyi 4 bari mu bashobora kurekurwa na FC Barcelona kugira ngo izabe iryana mu mwaka w’imikino utaha cyane ko izasubira mu mikino ya UEFA Champions League.


Umutoza Ole Gunnar Solskjaer arifuza abakinnyi 4 bo mu ikipe ya FC Barcelona barimo Ousmane Dembele, Arturo Vidal, Ivan Rakitic na Samuel Umtiti kugira ngo bazamufashe mu mwaka w’imikino utaha.

Ikipe ya FC Barcelona ishaka kugurisha abakinnyi hafi ya bose bo mu ikipe ya mbere,kugira ngo nibura ikusanye miliyoni 90 z’amapawundi yashora ku isoko.

Mu bakinnyi yifuza kurekura,harimo 4 bifuzwa na Manchester United barimo Ousmane Dembele, Arturo Vidal, Ivan Rakitic na Samuel Umtiti nkuko ikinyamakuru Mundo Deportivo kibogamira kuri Barca kibitangaza.

Kunyagirwa ibitego 8-2 na Bayern Munich byateye umwuka mubi muri FC Barcelona ariyo mpamvu ishaka kongera kubaka ikipe bundi bushya ihereye kuri Messi na Ter Stegen.

Icyiza kurusha ibindi nuko aba bakinnyi bose United yifuza bari ku isoko ndetse amakuru ahari nuko FC Barcelona yagabanyije igiciro cyabo ku buryo bitagorana kubagura.

Iyi kipe y’ubukombe mu Bwongereza yanenzwe na benshi nyuma yo gusezererwa mu buryo budasobanutse na Sevilla muri Europa League ku bitego 2-1 kandi yayoboye umukino ndetse ikanahusha uburyo butagira ingano.

United iryamye cyane ku kugura umwongereza Jadon Sancho ariko ikipe ya Borussia Dortmund yanze kumugurisha ariyo mpamvu yahinduye icyerekezo ijya kuri aba bakinnyi 4.

Dembele afatwa nk’uwasimbura Sancho gusa imvune ze zari buri kanya zatumye atabasha gutanga umusaruro muri FC Barcelona.

Umtiti yari umukinnyi ubanza mu kibuga muri FC Barcelona ndetse yanahesheje Ubufaransa igikombe cy’isi ariko imvune y’ivi yagize yamusubije inyuma cyane bituma abura umwanya n’uwo abonye akora amakosa menshi.

Rakitic yanze kwerekeza muri United muri Mutarama ariko kuri ubu iyi kipe yongeye kumwifuza we na Vidal usigaje umwaka umwe ngo amasezerano ye arangire.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Bosnjak watozaga u Rwanda muri Basketball yeguye ku mirimo ye nyuma yo...

Vladimir Bosnjak wari umutoza mukuru w’ikipe y’igihugu y’u Rwanda mu mukino...
3 December 2020 Yasuwe: 325 0

Neymar Jr yateje impaka ubwo yemezaga ko umwaka utaha azakinana na...

Rutahizamu Neymar Jr waraye witwaye neza cyane mu mukino wa UEFA Champions...
3 December 2020 Yasuwe: 1259 0

APR FC yamaze kugera muri Kenya guhangana na Gor Mahia

Ku mugoroba wo kuri uyu wa gatatu saa kumi n’igice, ikipe y’ingabo z’igihugu...
3 December 2020 Yasuwe: 916 0

Real Madrid yiyemeje kugurana Eden Hazard undi mukinnyi mwiza ku...

Ikipe ya Real Madrid iri mu bihe bibi cyane muri uyu mwaka w’imikino,yatangiye
2 December 2020 Yasuwe: 3158 0

Umwana wa Diego Maradona yasabye Lionel Messi ikintu gitangaje...

Umwana wa Diego Maradona yasabye kizigenza Lionel Messi nawe ukomoka muri...
2 December 2020 Yasuwe: 5183 0

Rayon Sports yavuze ku bakinnyi bayo bivugwa ko barwaye Malaria

Ubuyobozi bwa Rayon Sports bwahakanye ko nta mukinnyi wayo urwaye Malaria...
2 December 2020 Yasuwe: 2222 0