skol
Kigali
startimes

Manchester United na Chelsea zasimbutse imitego ikomeye zibona itike ya UEFA Champions League

Imyidagaduro   Yanditswe na: Dusingizimana Remy 26 July 2020 Yasuwe: 1534

Shampiyona y’Ubwongereza ya Premier League ya 2019-2020 yasojwe kuri iki cyumweru tariki ya 26 Nyakanga 2020,amakipe ya Chelsea na Manchester United yari afite akazi gakomeye ko kwerekeza mu mikino y’i Burayi agakoze neza.


Manchester United yari yatezwe ikipe ya Leicester City yitwaye kigabo iyitsindira iwayo ibitego 2-0 ibasha kurangiza ku mwanya wa 3 wayihesheje kwerekeza muri UEFA Champions League yasibyemo muri uyu mwaka w’imikino.

United yatangiye nabi shampiyona ndetse ikagera ku mwanya wa 15, yarangije ku mwanya wa 3 n’amanota 66 yanganyaga na Chelsea ariko yazigamye ibitego byinshi kuyirusha aho yarangije izigamye 30 kuri 15 bya Chelsea.

Manchester United yatsinze uyu mukino ibifashijwemo na Bruno Fernandes watsinze igitego cya mbere kuri penaliti yakorewe kuri Anthony Martial ku munota wa 71 hanyuma Jesse Lingard wari waribagiranye kubera gusubira inyuma mu mikinire yatsinze igitego ku munota wa 90 abifashijwemo n’umunyezamu Kasper Schmeichel washatse kumucenga akamwambura umupira agatsinda.

Leicester City yarangije umukino ari abakinnyi 10 kuko myugariro wayo Jonny Evans yakoreye ikosa rikomeye Scott McTominay.

Undi mukino wari utegerejwe na benshi n’uwahuje ikipe ya Chelsea FC na Wolverhampton waje kurangira Chelsea itsinze ibitego 2-0 ibifashijwemo na Mason Mount kuri coup Franc ku munota wa 45 na Olivier Giroud mu minota 3 y’inyongera y’igice cya mbere.

Andi makipe akomeye nka Liverpool,Manchester City na Arsenal yastinze imikino yayo uretse Tottenham yanganyije na Crystal Palace igitego 1-1 gusa yabonye itike yo gukina Europa League yo na Leicester City.

Uko Shampiyona yarangiye

Amakipe azakina Champions League:Liverpool, Manchester City,Manchester United na Chelsea.

Azakina Europa League: Leicester&Tottenham.

Ayamanutse: Bournemouth,Watford na Norwich City.

Umuzamu wagize imikino myinshi atinjizwa igitego na kimwe (clean sheet) yabaye Ederson Santana oraes wa Manchester City. Imikino atinjijwe igitego ni 16 mu mikino 35 yakinnye.

Umukinnyi watsinze ibitego byinshi (top scorer) muri shampiyona ya 2019-2020 yabaye Jamie Richard Vardy ukinira Leicester watsinze 23 arusha 1 Pierre Emerick Aubameyang wa Arsenal.

Vardy yakoze agahigo ko kuba umukinnyi wa mbere wegukanye igihembo cy’umukinnyi ufite ibitego byinshi mu mwaka w’imikino umwe kurusha abandi akuze ku myaka 33. Aka gahigo kaherukaga Drogbawabikoze afite imyaka 32 muri 2009-2010.

Kevin de Bruyne yakoze agahigo nk’aka Thierry Henry ko gutanga imipira 20 yavuyemo ibitego mu mwaka umwe w’imikino ndetse yanabashije gutsinda ibitego 13.

Umukinnyi David Silva yakinnye umukino we wa nyuma muri Manchester City mu gihe Jan Vertonghen na Micheal Vorm nabo barekuwe na Tottenham.Myugariro Leighton Baines we yasezeye ku mupira w’amaguru.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Frank Lampard yahishuye ko umunyezamu usimbura Kepa yakoze ikizamini...

Umutoza wa Chelsea,Frank Lampard yahumurije abakunzi b’iyi kipe atangaza ko...
22 September 2020 Yasuwe: 112 0

Imyanzuro yafashwe na RGB nyuma y’isesengura ku bibazo bya Rayon...

Kuri uyu wa Kabiri tariki ya 22 Nzeri 2020,nibwo Minisiteri ya Siporo...
22 September 2020 Yasuwe: 1458 0

Munyakazi Sadate na Komite ye yose bakuweho nyuma y’ibibazo bikomeye byari...

Komite ya Rayon Sports yari iyobowe na Munyakazi Sadate yegujwe n’inama...
22 September 2020 Yasuwe: 2841 0

Ivan Rakitic yahishuye uko Messi na Suarez batari inshuti ze

Umukinnyi wo hagati Ivan Rakitic wari umaze imyaka 6 mu ikipe ya FC...
22 September 2020 Yasuwe: 1001 0

Rayon Sports yasinyishije Ghislain Armel warangaranwe na Kiyovu...

Rutahizamu Armel Ghislain wakiniraga ikipe ya Kiyovu Sports yamaze gusinya...
21 September 2020 Yasuwe: 1851 0

Frank Lampard yatangaje abakinnyi 3 yishimiye mu mukino yatsinzwemo na...

Umutoza wa Chelsea,Frank Lampard yatangaje ko nubwo yaraye atsinzwe na...
21 September 2020 Yasuwe: 3808 0