Kigali

Maria Sharapova ukundwa na benshi ku isi mu mukino wa Tennis ari mu Rwanda

Imyidagaduro   Yanditswe na: Dusingizimana Remy 13 November 2019 Yasuwe: 1529

Umurusiyakazi ukina umukino wa Tennis,Maria Sharapova,ari mu biruhuko mu Rwanda aho yaje gusura ibyiza nyaburaga bitatsi igihugu birimo Pariki y’ibirunga irimo inyamaswa zitandukanye zirimo n’ingagi.



Maria Sharapova w’imyaka 32,usanzwe akundwa na benshi biganjemo abagabo n’umukinnyi w’icyamamare mu mukino wa Tennis kuko yayitwayemo ibikombe bikomeye [Grand slams] 5 ndetse niwe Murusiyakazi wabashije gutwara ibi bikombe bikomeye muri Tennis.Grand Slams zose uko ari 4 zikinwa buri mwaka Sharapova yarazitwaye by’umwihariko Roland Garros yatwaye kabiri.

Maria Sharapova watangiye gukina Tennis nk’uwabigize umwuga guhera muri 2001, ari mu Rwanda aho amaze iminsi ibiri ari mu biruhuko atembere mu Kinigi anasura Pariki y’Ibirunga.

Maria usanzwe atuye muri USA,yamaze ibyumweru 21 ari nimero ya mbere ku isi gusa ubu ari ku mwanya wa 131 ku isi kubera ahanini guhagarikwa amezi 15 adakina bitewe no gufatwa yarakoresheje imiti yongera imbaraga muri Australian Open ya 2016.

Sharapova uzamara mu Rwanda icyumweru,ari mu ngendo zitandukanye zo gusura Afurika aho yaherukaga mu gihugu cya Botswana.

Abakobwa bakina Tennis bakomeje kwitabira gusura Afurika kuko n’uwitwa Garbine Muguruza ukomoka muri Espagne ari mu biruhuko muri Tanzania.

Nyuma yo kuva mu bihano muri 2017,Sharapova ntiyongeye kuba umukinnyi ukanganye muri Tennis kuko asigaye atsindwa byoroshye n’abana bari kuzamuka neza muri uyu mukino barimo Simona Halep na Naomi Osaka.







Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umutoza FC Barcelona yateje urujijo kubera ibyo yavuze ku gusezera umupira...

Umutoza wa FC Barcelona, Ernesto Valverde yabwiye abanyamakuru ko abakunzi...
7 December 2019 Yasuwe: 1560 0

Chelsea yakuriweho ibihano byo kugura abakinnyi yiyemeje gushora akayabo...

Ikipe ya Chelsea FC yaraye igabanyirijwe ibihano yemererwa kugura abakinnyi...
7 December 2019 Yasuwe: 834 0

Bayingana wayoboraga FERWACY na komite ye yose beguye ku mirimo...

Amakuru agera ku Umuryango n’uko ,mu ijoro ryo kuri uyu wa 6 Ukuboza 2019,...
7 December 2019 Yasuwe: 2144 0

Sugira Ernest yitangiye umuryango we aburizamo itezwa cyamunara ry’inzu ya...

Umukinnyi ukina nka rutahizamu mu ikipe ya APR FC ndetse no mu ikipe...
7 December 2019 Yasuwe: 3885 0

Ikipe ya Chelsea yari imaze iminsi mu bihano yongeye gukomorerwa kugura...

Ikipe ya Chelsea ubu yemerewe gusinyisha abakinnyi bashya muri Mutarama...
7 December 2019 Yasuwe: 670 0

Zlatan Ibrahimovic yongeye kwibasira Cristiano Ronaldo bagiye guhanganira...

Rutahizamu Zlatan Ibrahimovic ukunze kuvuga amagambo atuma benshi...
6 December 2019 Yasuwe: 3019 0