Umutoza w’ikipe y’igihugu Amavubi,Mashami Vincent,yatangaje abakinnyi 23 bagomba kumufasha gutangira neza urugendo rwo kwerekeza mu gikombe cya Afurika 2021 kizabera mu gihugu cya Cameroon.

Sponsored Ad

Mu bakinnyi 23 Mashami Vincent, yajyanye I Maputo ntibarimo Ally Niyonzima ukina muri Oman, Danny Usengimana na Djabel Manishimwe ba APR FC n’umuzamu Habarurema Gahungu wa Police FC.

Ally Niyonzima yasigaye kubera ikibazo cy’ibyangombwa kitarabonerwa igisubizo, akaba atazakina n’umukino wa Cameroon mu cyumweru gitaha.

Amavubi arahaguruka mu Rwanda saa 01H00 z’ijoro, azagere muri Mozambique ejo ku manywa, bazakina na Mozambique ku wa 4 ku i saa 18H00.

Bazafata indege ku wa 4 mu ijoro bagere mu Rwanda mu ijoro ryo ku wa 5, aho bagomba guhita bakina n’Intare za Cameroon ku cyumweru saa 15H00.

Amavubi arahaguruka afite abakinnyi 22 kuko Djihad Bizimana bazahurira i Maputo ku wa mbere.

Abakinnyi Mashami Vincent yitwaje:

Abazamu: Kimenyi Yves (Rayon Sports), Ndayishimiye Eric Bakame (AS Kigali), Mvuyekure Emery (Tusker , Kenya).

Ba Myugariro: Rwatubyaye Abdoul (Colorado Rapids FC, USA), Nirisarike salomon (Pyunik FC , Armenia), Manzi Thierry (APR FC), Fitina Omborenga (APR FC), Imanishimwe Emmanuel Mangwende (APR FC), Rutanga Eric (Rayon Sports), Bayisenge Emery (Saif Sporting Club, Bangladesh) na Mutsinzi Ange Jimmy (APR FC).

Abakina hagati: Muhire Kevin (Mir El Makkasa, Egypt), Niyonzima Olivier Sefu (Bizimana Djihad (Waasland Beveren, Belgium), Niyonzima Haruna (AS Kigali), Iranzi Jean Claude (Rayon Sports), Nsabimana Eric Zidane (AS Kigali.

Ba rutahizamu: Kagere Medie (Simba Sports Club, Tanzania), Tuyisenge Jacques (Petro Atletico, Angola), Hakizimana Muhadjiri (Emirates Club), Iyabivuze Osee (Police FC), Mico Justin (Police FC) ,na Sibomana Patrick (Yanga Africans).