skol
Kigali
startimes

Mashami Vincent yemerewe guhabwa andi masezerano mashya nk’umutoza w’Amavubi

Imyidagaduro   Yanditswe na: Martin Munezero 17 February 2021 Yasuwe: 4656

Minisiteri ya Siporo (MINISPORTS) yamaze kwemera guha umutoza Mashami amasezerano mashya nk’umutoza w’ikipe y’igihugu, hasigaye ko na FERWAFA ibiha umugisha.


Amasezerano y’umutoza mukuru w’ikipe y’igihugu y’u Rwanda mu mupira w’amaguru «Amavubi », Mashami Vincent wari umaze imyaka 2 n’igice ayitoza yarangiye ku wa 11 Gashyantare 2021.

Mu kiganiro Mashami Vincent aherutse kugirana n’itangazamakuru yavuze ko yumva nta cyizere yifitiye cyo kuba yakongera kuragizwa iyi kipe nk’umutoza mukuru.

Ati “Amahirwe menshi urakoze kuyampa, ariko icyo nakubwira ni uko nta mahirwe menshi mfite yo gukomeza aka kazi kuko sinjye ugatanga kandi si njye ukiha, wenda wowe ni ko ubibona ariko si ko njye mbibona.”

Icyo gihe Guy Rurangayire umuyobozi wa siporo muri MINISPORTS, yavuze ko Mashami atari we mutoza kampara mu ikipe y’igihugu, bityo ko abantu bakwiye gutegereza byinshi bazabimenya mu minsi iri imbere.

Guy yagize ati“ Mashami ntabwo ari kampara, nta n’ubwo ikipe y’Igihugu yamuzirikiweho, nibaza ko mushobora gutegereza, igihe nikigera umutoza azatangazwa, ari gushakwa.”

N’ubwo yatangaje ibi, ikinyamakuru Isimbi dukesha iyi nkuru cyatangaje ko cyamenye ko ku ruhande rwa MINISPORTS rwanyuzwe n’umusaruro wa Mashami Vincent ndetse ko biteguye kuba bamuha amasezerano, igisigaye ni uko na FERWAFA ibyemera.

Biteganyijwe ko MINISPORTS na FERWAFA bazakora inama maze FERWAFA yamwemeza akaba yahita asinya, bikazaba nyuma yo gutanga raporo y’umusaruro we n’ubwo bigoye ko hari icyo yazahindura.

Ni nabwo azahita ahamagara n’ikipe y’igihugu izakina umukino wa Mozambique na Cameroun mu gushaka itike y’igikombe cy’Afurika cya 2021, ni umukino uzaba mu kwezi gutaha.

Nta gihindutse Mashami Vincent ni we uzayobora ikipe y’igihugu muri iyi mikino cyane ko yamaze gukingirwa icyorezo cya Coronavirus ari kumwe n’abakinnyi bakinnye CHAN 2020 akaba ari nabo azifashisha mu kwezi gutaha hakiyongeraho abakina hanze y’u Rwanda.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

FERWAFA yashyize hanze impamvu yatumye Mashami Vincent yongererwa...

Kuri uyu wa Gatatu tariki ya 03 Werurwe 2021,nibwo FERWAFA yashyize hanze...
3 March 2021 Yasuwe: 3257 0

Team Rwanda yatwaye imidali 5 muri shampiyona y’Afurika yo gusiganwa ku...

Ku munsi wa kabiri wa shampiyona ya Afurika yo gusiganwa ku...
3 March 2021 Yasuwe: 3261 0

Manchester United irashaka gutwara Inter Milan umukinnyi ukomeye nyuma yo...

Ikipe ya Inter Milan yananiwe kwishyura akayabo ka miliyoni 43 z’amapawundi...
3 March 2021 Yasuwe: 3806 0

Biravugwa:Byiringiro Lague agiye kwerekeza mu igeragezwa mu ikipe ikomeye...

Rutahizamu w’ikipe ya APR FC w’imyaka 20,Byiringiro Lague,biravugwa ko agiye...
3 March 2021 Yasuwe: 3100 0

FC Barcelona iri gushaka abakinnyi 5 bakomeye bo gutuma Messi yisubiraho...

Ikipe y’ikigugu muri La Liga mu ikipe ya Barcelona iri gushaka abakinnyi 5...
2 March 2021 Yasuwe: 5075 0

U Rwanda rwatwaye imidari 3 ya Feza ku munsi wa mbere wa shampiyona...

Ikipe y’Igihugu y’Amagare (Team Rwanda ) imaze kwegukana imidali 3 ya Feza mu...
2 March 2021 Yasuwe: 4353 1