skol
Kigali
startimes

Mazimpaka Andre wavanye agahinda muri Rayon Sports yasinyiye Gasogi United ayihigira umuhigo

Imyidagaduro   Yanditswe na: Dusingizimana Remy 28 July 2020 Yasuwe: 1071

Umunyezamu Andre Mazimpaka watandukanye na Rayon Sports mu ntangiriro z’uku kwezi,yamaze gusinyira ikipe ya Gasogi United amasezerano y’umwaka umwe ushobora kongerwa igihe azitwara neza.


Kuri uyu wa Kabiri tariki ya 28 Nyakanga 2020 nibwo ikipe ya Gasogi United yasinyishije Mazimpaka André amasezerano y’umwaka umwe ushobora kongerwa.

Ibinyujije kuri Twitter yagize iti "Mazimpaka Andre wari umunyezamu w’ikipe ya Rayon Sports yasinyiye Gasogi United amasezerano y’umwaka 1 ushobora kwongerwa."

Nyuma yo gusinyira Gasogi United,Mazimpaka yavuze ko intego ye ari uguharanira ubusugire bw’izamu rya Gasogi. Kubwe ngo arashaka gukuraho agahigo yakoze muri Rayon Sports akamara imikino hafi 18 atarinjizwa igitego.

Ati " Nkuko nabikoze muri Rayon Sports, nkamara imikino hafi 18 ntatsindwa igitego, nzi ko ubu ngubu mfite intego ikomeye cyane. Mfite intego byibuza yo kumara imikino 20 nta gitego ndatsindwa kandi ndabishoboye. "

" Dufite abatoza beza bazabidufashamo, dufite abakinnyi beza bahari, dufite ubuyobozi bwiza. Ubushake nibwo busigaye kandi ubushake ndabufite. Niyo ntego nihaye kandi niyo ntego nahaye n’ubuyobozi ko ngomba kumara imikino 20 ntatsinzwe igitego mu mikino 30 dukina muri Shampiyona yo mu Rwanda."

Mazimpaka Andre yafashije Rayon Sports kwegukana igikombe cya shampiyona mu mwaka w’imikino wa 2018-2019, gusa mumwaka w’imikino ushize ntiyorohewe kuko Rayon Sports yazanye Kimenyi Yves ahita atakaza umwanya ubanzamo.

Nyuma y’imyaka 2 yamaze afatira ikipe ya Rayon Sports, umunyezamu Mazimpaka Andre yahisemo gutandukana nayo kuwa 01 Nyakanga 2020 nkuko yabitangaje mu butumwa yageneye abakunzi ba ruhago.

Abinyujije ku rukuta rwe rwa Instagram, Mazimpaka mu magambo make yagize ati"twabanye neza mwarakoze."

Mazimpaka asanze muri Gasogi United umutoza Cassa Mbungo Andre na Alain Kirasa bamutozaga muri Rayon Sports mu mwaka w’imikino ushize.

Mazimpaka André agiye guhanganira umwanya na Cuzuzo Gaël wazamukanye n’iyi kipe mu mwaka ushize w’imikino ndetse na Mfashingabo Didier uherutse kugurwa muri Etoile de l’Est.

Abandi bakinnyi Gasogi yaguze barimo Iradukunda Jean Bertrand wavuye muri Mukura Victory Sports, Beya Beya Hervé wavuye muri AS Maniema, Nzitonda Eric wavuye muri Gicumbi FC, Bugingo Hakim wakinaga muri Rwamagana City FC, Nkunzimana Sadi wavuye muri Espoir FC, umunyezamu Mfashingabo Didier wa Etoile de l’Est n’Umunye-Congo Bola Lobota Emmanuel.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umunya Slovenia Tadej Pogacar yateye intambwe ikomeye yo kwegukana Tour de...

Nubwo atahabwaga amahirwe kubera imbaraga z’ikipe itari ku rwego rwo hejuru...
19 September 2020 Yasuwe: 336 0

Thiago Alcantara yahishuye abakinnyi batumye afata umwanzuro wo kwerekeza...

Umukinnyi Thiago Alcantara wamaze kwerekeza mu ikipe ya Liverpool yatangaje...
19 September 2020 Yasuwe: 1021 0

Kiyovu Sports yashyizeho ibisabwa ku muntu ushaka kuba Perezida wayo...

Komisiyo y’amatora muri Kiyovu Sports yatangaje ibisabwa kuri buri wese...
19 September 2020 Yasuwe: 1163 0

Mikel Arteta yatangaje ikintu cyamuteye ubwoba cyane akimara guhabwa akazi...

Umutoza wa Arsenal,Mikel Arteta yatangaje ko akimara guhabwa akazi ko...
19 September 2020 Yasuwe: 995 0

Liverpool yasinyishije umukinnyi wo hagati uri mu beza cyane ku...

Ikipe ya Liverpool yemeje ko yamaze gusinyisha umunya Espagne witwa Thiago...
18 September 2020 Yasuwe: 2202 0

Nta mukinnyi utakwifuza gukinira APR FC itwara ibikombe-Tuyienge...

Rutahizamu mushya w’ikipe ya APR FC Tuyisenge Jacques yatangaje ko aje muri...
18 September 2020 Yasuwe: 885 0