addresiya
Kigali
startimes

Mazimpaka yatangaje byinshi ku byerekeye kuva mu ikipe ya Rayon Sports n’aho ashaka kwerekeza

Imyidagaduro   Yanditswe na: Dusingizimana Remy 26 July 2019 Yasuwe: 4040

Umunyezamu wa Rayon Sports,Mazimpaka Andre,yivuguruje atangaza ko atifuza kuva mu ikipe ya Rayon Sports ndetse ngo niwe wasabye ubuyobozi ko bwagura Kimenyi Yves kugira ngo habe guhangana mu ikipe aho yemeje ko azava muri Rayon Sports agiye hanze.



Mu minsi ishize twabatangarije ko uyu munyezamu Mazimpaka yabwiye ikinyamakuru Umuseke ko atari umunyezamu wo kwicara ku ntebe y’abasimbura ahubwo ashaka kwerekeza mu ikipe ya Police FC cyangwa APR FC zamushakaga, gusa yabihakanye avuga ko nta gahunda yo kuva muri Rayon Sports ndetse ngo nta yindi kipe yifuza gukinira mu Rwanda ahubwo ngo ashaka kwerekeza hanze.

Yagize ati “Ntabwo Rayon Sports iragira umunyezamu wa mbere ubu ngubu.Tuvuye muri CECAFA,dusigaje imikino irenga 50,numva yuko niba mugenzi wanjye akinnye imikino 3 akitwara neza nanjye najyamo ngakina,numva ko nta gikuba cyacitse.Icya mbere ni uko izamu rya Rayon Sports rigomba guhora rikomeye.Ibyo kuvuga ngo guhunga intebe y’abasimbura sibyo,guhangana ni byiza.

N’ababizi njyewe ndi mu bantu basabye ko bazana umunyezamu ukomeye.Ninjye wabyisabiye kuko nzi neza ko iyo guhangana kubaye kwinshi mu ikipe bigenda neza.Kimenyi ni murumuna wanjye tugirana inama,turumvikana,afite aho akomeye kandi nanjye ndahafite,turuzuzanya,nta kibazo dufitanye intego yacu ni ukuzamura Rayon Sports.”

Mazimpaka abajijwe ku byerekeye kwerekeza muri APR FC cyangwa Police yagize ati “Nta byabayeho,sinzi aho byavuye tugomba kuba abanyamwuga niba ushaka amakuru ukaza nkayaguha aho guhimba.Nari maze iminsi mfite ikibazo cy’imvune.Njye ndacyafite amasezerano na Rayon Sports,hari ibyo twavuganye nibikunda nzayigumamo.Ikindi ntabwo nava muri Rayon Sports nonaha kuko ndashaka kuyivamo njya hanze y’u Rwanda.Nta yindi kipe mu Rwanda numva nakinira.”

Umunyezamu Mazimpaka yavuze ko imyitozo ya Kirasa Alain iri ku rwego rwo hejuru cyane ndetse ngo izabafasha kwitwara neza mu mwaka w’imikino utaha.


Mazimpaka yatangaje ko ariwe wasabye ko bagura Kimenyi ndetse nta kibazo afite cyo kuba bagiye guhanganira umwanya

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble samuelnshimayesu@gmail.com

    Ikipe zitwitegure kbsa

    July 2019

Inzindi nkuru

FIFA yategetse Rayon Sports kwishyura Javier Martinez wahoze ayitoza...

Umutoza Javier Martinez Espinoza ukomoka muri Mexico biravugwa ko yareze...
30 May 2020 Yasuwe: 2983 0

RGB yemeje ko Munyakazi Sadate ariwe wemerewe guhagararira Rayon Sports mu...

Urwego rw’Imiyoborere mu Rwanda [RGB] rwatangaje ko umuyobozi wa Rayon...
30 May 2020 Yasuwe: 1820 2

Real Madrid yongeye gutorwa nk’ikipe ihenze kurusha izindi ku isi mu mupira...

Nkuko byatangajwe na raporo ya European Elite 2020,ikipe ya Real Madrid...
29 May 2020 Yasuwe: 1792 0

Rutanga yavuze impamvu nyamukuru yatumye ava muri Rayon Sports anayisengera...

Uwari kapiteni wa Rayon Sports,Rutanga Eric yahishuye ko impamvu yatumye...
29 May 2020 Yasuwe: 3229 4

RIB yatangiye iperereza ku bahoze bayobora Rayon Sports bashinjwa ruswa no...

Urwego rw’igihugu rw’Ubugenzacyaha,RIB,rwatangaje ko rwatumije bamwe mu...
29 May 2020 Yasuwe: 2434 1

Igihe ntakuka shampiyona y’Ubwongereza izasubukurirwa n’amakipe azabanza...

Kuwa Gatatu tariki ya 17 Kamena 2020 nibwo Premier League yari imaze igihe...
28 May 2020 Yasuwe: 2008 0