skol
Kigali
startimes

Menya icyateye Alvaro na Neymar gushyamirana bikaviramo Neymar ikarita itukura[AMAFOTO]

Imyidagaduro   Yanditswe na: Martin Munezero 7 October 2020 Yasuwe: 2161

Alvaro Gonzalez, myugariro w’umunya-Espagne ukinira ikipe ya Marseille yo mu Bufaransa, yahakanye yivuye inyuma ko nta rondaruhu yigeze akora Neymar, ko ahubwo yagerageje gusubiza amagambo ateye isoni uyu rutahizamu w’umunya-Brazil yari amubwiye.


Alvaro Gonzalez ashimangira ko uyu rutahizamu wa PSG Neymar, nta cyubahiro akwiye nyuma yo kumubwira ko ibyo akorera mu mwaka wose, we abibona mu munsi umwe gusa, byatumye bashyamirana Neymar ahabwa ikarita itukura asohoka mu kibuga mu mukino wabahuje mu ntangiriro z’uyu mwaka w’imikino.

Icyo gihe PSG yatunguwe no gutsindwa na Marseille 1-0 cyatsinzwe na Florian Thauvin, mu mukino wabaye ku itariki ya 13 Nzeri 2020, warangiye abakinnyi batanu bahawe amakarita atukura basohoka mu kibuga.

Jordan Amavi na Dario Benedetto ba Marseille ni bo basohowe mu kibuga, mu gihe ku ruhande rwa PSG, Layvin Kurzawa, Leandro Paredes na Neymar aribo basohowe mu kibuga.

Nyuma y’umukino Neymar na Gonzalez nibo bagarutsweho cyane mu bitangazamakuru bitandukanye, aho Neymar yashinje uyu myugariro irondaruhu, aho avuze ko yamwise inkende akanamutuka ibiteye isoni.

Byavuzwe ko muri uyu mukino Neymar nawe yakoreye irondaruhu Hiroki Sakai ukinira Marseille, gusa we na Gonzalez nta bihano bihambaye bafatiwe n’ishyirahamwe ry’umupira w’amaguru mu Bufaransa. Aganira na Onda Cero Gonzalez yagize ati

Neymar yambwiye ko ibyo mbona mu mwaka wose, we abibona umunsi umwe gusa, ibyo yavuze nibyo. Gusa namubwiye ko nyuzwe n’umushahara wanjye. Muri uriya mukino ntabwo Neymar yari afite umusaruro mwiza, ahubwo yarashondanaga cyane.

Gonzalez yahakanye yivuye inyuma iby’irondaruhu bivugwa ko yabwiye Neymar, nubwo byamugizeho ingaruka mu buryo butandukanye. Yagize ati:

Nta jambo na rimwe ry’irondaruhu nigeze mbwira Neymar, Sinakora ikosa nk’iryo, Nta kintu nakimwe mbona Neymar akwiye, haba icyubahiro cyangwa ikindi. Nari ndi hejuru kurusha Neymar kuri uriya mukino, yabuze icyo afata n’icyo areka ahitamo kwanduranya.

Nyuma y’umukino Ishyirahamwe ry’umupira w’amaguru mu Bufaransa ryahanishije Neymar kumara imikino ibiri atagaragara mu kibuga hakiyongeraho n’undi mukino w’ikarita itukura yose hamwe iba imikino itatu.



Alvaro Gonzalez ati nta cyubahiro Neymar akwiye! Yambwiye ko ibyo nkorera umwaka wose abibona mu munsi umwe gusa.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


  • chat_bubble Hagenimana ronaldo

    Yego koko ariko byagenze neymaryaba afite ikosa gikomeye koko abaakwiye kubaha abandi mbereyuko bamwubaha.

    1 month ago

Inzindi nkuru

Wayne Rooney yahishuye ukuntu yifuje kwerekeza muri FC Barcelona kubera...

Umunyabigwi w’ikipe ya Manchester United n’ikipe y’igihugu y’Ubwongereza,Wayne...
24 November 2020 Yasuwe: 1027 1

Ahmad Ahmad wayoboraga CAF yahagaritswe imyaka 5 kubera ibyaha bikomeye...

Impuzamashyirahamwe y’umupira w’amaguru ku isi FIFA yafatiye ibihano byo...
23 November 2020 Yasuwe: 1008 0

Anele Ngcongca wakiniye ikipe y’igihugu y’Afurika y’epfo yahitanwe...

Uwari myugariro wa Mamelodi Sundowns n’ikipe y’igihugu y’Afurika y’Epfo...
23 November 2020 Yasuwe: 946 0

Mugisha Moise yegukanye Grand Prix Chantal Biya 2020

Umunyarwanda Mugisha Moïse yegukanye isiganwa ryiswe Grand PrixChantal Biya...
22 November 2020 Yasuwe: 1962 0

Cristiano Ronaldo ari mu biganiro byimbitse n’ikipe yahozemo ngo...

Ibinyamakuru bitandukanye ku mugabane w’I Burayi bikomeje gutangaza ko...
22 November 2020 Yasuwe: 4885 0

Gorilla FC yatwaye igikombe cya shampiyona y’icyiciro cya kabiri...

Mu mukino wa nyuma wabaye kuri uyu wa Gatandatu tariki 21 Ugushyingo 2020...
22 November 2020 Yasuwe: 1226 0