skol
Kigali
startimes

Messi yaciye agahigo katumye Pele amwandikira ubutumwa bukora ku mutima

Imyidagaduro   Yanditswe na: Dusingizimana Remy 20 December 2020 Yasuwe: 5345

Kizigenza Lionel Messi yaraye atsinze igitego cyatumye anganya agahigo ko gutsinda ibitego byinshi mu ikipe imwe n’uwahoze ari umukinyi kabuhariwe wa Brezil Pele [643].


Iki gitego yatsindiye FC Barcelona ejo ku wa gatandatu mu mukino warangiye iyi kipe inganya na Valencia ibitego 2-2.

Uyu rutahizamu w’umunya Argentine w’imyaka 33 yageze kuri iyi ntambwe ku gitego yinjije n’umutwe mbere y’uko igice cya mbere kirangira, hashize akanya umunyezamu Jaume Domenech wa Valencia akuyemo penalty ye.

Messi yinjije igitego cye cya mbere muri Barcelona mu mwaka wa 2005 igihe iyi kipe yakinaga na Albacete.

Pele yinjirije ikipe yo muri Brezili Santos ibitego 643 mu myaka y’imikino 19 hagati ya 1956 na 1974.

Ariko rero ikibabaje kuri Messi, uyu munezero wari uvanze n’umubabaro kuko Barcelona yananiwe gutsinda iyi kipe bari bahanganye.

Ibi byatumye iyi kipe imaze gutwara shampiyona ya Espagne La Liga inshuro 26 zose irangiza umukino iri ku mwanya wa gatanu, ikaba irushwa amanota umunani yose na Atletico Madrid iri ku mwanya wa mbere,nyuma yo gutsinda Elche ku bitego 3-1.

Mukeba wayo ukomeye Real Madrid ari nayo ifite igikombe cya shampiyona, isumbya Barcelona amanota atanu, ariko ikaba igomba guhura na Eibar kuri iki cyumweru.

Barcelona yabanje kwinjizwa igitego ku munota wa 29 ubwo umukinyi w’inyuma Mouctar Diakhaby yabacaga mu rihumye akinjiriza Valencia igitego cya mbere.

Valencia yagerageje gufunga izamu ryayo,ariko mu minota ya nyuma y’igice cya mbere aho Barca iboneye penaliti,ubwo umukinnyi Jose Gaya yasunikaga Antoine Griezmann mu rubuga rw’amahina.

Byabaye ngombwa ko umusifuzi Alejandro Hernandez yifashisha ubuhanga bwa videwo atanga penaliti, Messi ayiteye umunyezamu Domenech ayikuramo

Messi yategereje amasegonda make kugira ngo agere ku ntego ye,yinjiza iki gitego mu minota y’inyongera mbere y’uko ifirimbi yo kurangiza igice cya mbere ivuga.

Barcelona yatsinze igitego cya kabiri mu gice cya kabiri, ku munota wa 52,cyinjijwe ku buhanga bukomeye n’umukinyi w’umunya Uruguay Ronald Araujo.

Aba bakinyi ba Ronald Koeman bagerageje gusatira bikomeye kugira ngo barebe ko batsinda Valencia biranga.

Iyi kipe ya Valencia yaje gutungura FC Barcelona ikora contre-attaque yatumye Maximiliano Gomez Gonzalez yinjiza igitego cya kabiri, ku munota wa 69,birangira amakipe yombi anganyije ibitego 2-2.

Nyuma yo gukora aka agahigo,Pele wari ugafite yandikiye Messi amushimira ibyo amaze kugeraho.

Ati “Iyo umutima wawe wuzuye urukundo,biragora guhindura inzira yawe.Kimwe nawe,nzi neza uko bimeze urukundo rwo kwambara umwenda umwe buri munsi.Kimwe nawe nzi neza ko nta gisa no kugira aho wita mu rugo.

Ndagushimiye kubw’agahigo wakoze Lionel,ariko ikiruta byose ngushimiye ku byo wakoze byose muri FC Barcelona. Inkuru nk’iyawe yo gukunda ikipe imwe igihe kirekire izabaho gake mu mupira w’amaguru.Ndagufana cyane Leo Messi.”

Nyuma yo kuva muri Newell’s Old Boys akiri muto cyane, Messi amaze gutwarana na FC Barcelone ibikombe 24 birimo 10 bya Shampiyona ya La Liga na bine bya UEFA Champions League. Yatwaye kandi Ballon d’Or.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umuherwe wa Chelsea yafashe icyemezo cyo kwirukana umutoza Frank...

Umuherwe w’Umurusiya witwa Roman Abramovich yamaze gufata umwanzuro wo...
25 January 2021 Yasuwe: 4075 0

Umukinnyi wa Liverpool amerewe nabi cyane n’abafana ashinjwa gutsindisha...

Ikipe ya Liverpool ikomeje kujya mu bihe bibi cyane mu mupira w’amaguru yaba...
25 January 2021 Yasuwe: 5580 0

Rwatubyaye Abdul yasinye amasezerano y’umwaka n’amezi atandatu mu yindi...

Myugariro w’ikipe y’igihugu y’u Rwanda y’umupira w’amaguru (Amavubi) Rwatubyaye...
25 January 2021 Yasuwe: 3607 0

Abafana ba Chelsea basabiye umusifuzi David Coote ikarita itukura nyuma yo...

Mu butumwa banyujije ku mbuga nkoranyambaga zabo,abafana ba Chelsea basabye...
25 January 2021 Yasuwe: 3665 0

Fenerbahce yatakambiye abafana ngo bayifashe kwishyura Mesut Ozil yemereye...

Ikipe ya Fenerbahce yo muri Turkia yatangiye kuganyira abafana bayo kugira...
25 January 2021 Yasuwe: 3932 0

Abakinnyi 4 n’umuyobozi w’ikipe y’umupira w’amaguru muri Brazil baguye mu...

Abakinnyi 4 b’ikipe yitwa Palmas yo mu cyiciro cya 4 na perezida wayo baguye...
24 January 2021 Yasuwe: 5282 0