Ikipe ya Arsenal yaraye iguze Thomas Partey ishobora gufata umwanzuro wo gukura Mesut Ozil mu bakinnyi izakoresha muri Premier League y’uyu mwaka kubera ko yarengeje umubare w’abakinnyi badafite inkomoko muri UK yemerewe.

Sponsored Ad

Ubusanzwe mu Bwongereza ikipe yose yemerewe gukoresha abakinnyi 19 badaturuka mu bihugu bya UK ariyo mpamvu Arsenal ishobora kudakoresha Ozil muri Premier League,agasimburwa na Partey baraye baguze.

Arsenal isabwa gusiga abakinnyi 2 batakuriye mu Bwongereza ku rutonde rw’abakinnyi izakoresha muri Premier League y’uyu mwaka.

Ku munsi wa nyuma w’isoko ryo kugura no kugurisha abakinnyi,Arsenal yaguze Thomas Partey aba umukinnyi wa 19 utari umwongereza ndetse utarakuriye muri UK.

Itegeko rya Premier League rivuga ko amakipe yose agomba gutanga urutonde rw’abakinnyi 25 azakoresha muri Premier League bitarenze kuwa 20 Ukwakira uyu mwaka.Uru rutonde rugomba kuba ruriho abakinnyi batarenze 18 batakuriye muri UK.

Umutoza Arteta agomba kwirukana abakinnyi 2 batakuriye mu Bwongereza bo mu ikipe ye ya mbere aho bivugwa ko ashobora gufata umwanzuro wo gukura Mesut Ozil mu ikipe izakina Premier League.

Uyu Mudage ntabwo arakina n’umunota n’umwe muri Arsenal kuva amakipe yava muri Guma mu rugo muri Kamena uyu mwaka,nubwo ahembwa akayabo k’ibihumbi 350 by’amapawundi buri cyumweru.

Mesut Ozil yakoze igikorwa cyashimishije benshi ubwo yavugaga ko igipupe [Mascot] cyabo kimaze imyaka 27 gikora akazi ko kwamamaza Arsenal agiye kucyihembera nyuma yo kwirukanwa mu bakoze 25 baherukaga kwirukanwa n’ubuyobozi.

Mesut Ozil abinyujije ku mbuga nkoranyambaga yavuze ko iki gipupe kigomba kugarurwa ku kibuga akajya agihemba amafaranga yose cyahembwaga igihe cyose azaba akiri umukinyi wa Arsenal.