Kigali
startimes

Mesut Ozil na Sead Kolasinac batezwe n’amabandi yari yitwaje ibyuma Imana ikinga ukuboko

Imyidagaduro   Yanditswe na: Dusingizimana Remy 26 July 2019 Yasuwe: 1742

Abakinnyi ba Arsenal Mesut Ozil na Sead Kolasinac batezwe n’amabandi abiri yari yitwaje icyuma ku mugoroba wo ku munsi w’ejo,kubw’amahirwe ntihagira n’umwe ugiterwa kuko bahunze berekeza muri restaurant.



Ubwo aba bakinnyi basanzwe ari inshuti cyane barimo batemberera mu gace kitwa Childs Hill ko mu mujyi wa London,bahuye n’aya mabandi yari ari kuri moto arabitambika birangira Sead Kolasinac avuye mu modoka ahangana nayo afasha Mesut Ozil guhunga.

Ozil uhembwa ibihumbi 350 by’amapawundi ku cyumweru,yatezwe n’aya mabandi ubwo yari mu modoka ye ihenze cyane ya Mercedes G-Class we na mugenzi we Kolasinac bamenyanye bakiri abana bato.

Amashusho yafashwe na cameras za CCTV,yagaragaje iki gisore cy’ibigango Kolasinac giterana ibipfunsi n’aya mabandi nubwo yagikangishije icyuma,birangira asubiye inyuma.

Aba bakinnyi babonye ko byakomeye,bavuye mu modoka bayita ifunguye imiryango, biruka n’amaguru berekeza kuri restaurant y’abanya Turkia yo mu mujyi wa London yitwa Lakya ku muhanda witwa Golders Green ariho batabawe n’abakozi bayo ndetse na police ihita ihagera.

Umwe mu batangabuhamya yabwiye Daily Mail ati “Nabonye Mesut Ozil afite ubwoba bwinshi ari guhigwa n’amabandi atabarwa n’abakozi bo muri restaurant ndetse n’abayobozi bayo.

Ku bw’amahirwe nta muntu n’umwe wakomeretse gusa ngo Ozil yahungabanye cyane nyuma yo guhunga aba bagizi ba nabi yiruka cyane.







Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Uwari umutoza wungirije mu ikipe ya APR FC yatandukanye na yo

Nyuma yo kunanirwa kumvikana na APR FC ku bijyanye no kuba yakongererwa...
8 July 2020 Yasuwe: 1054 0

Munyakazi Sadate yijeje abafana ko agiye kubohoza imodoka y’ikipe yafatiriwe...

Umuyobozi wa Rayon Sports Munyakazi Sadate yavuze ko we na komite ayoboye...
8 July 2020 Yasuwe: 1954 0

Diego Simeone yatangaje impamvu Real Madrid bari kuyiha penaliti nyinshi...

Umutoza wa Atletico Madrid witwa Diego Simeone yavuze ko ikipe ya Real...
8 July 2020 Yasuwe: 1988 0

Rayon Sports yasinyishije bidasubirwaho umunyezamu Kwizera Olivier

Ikipe ya Rayon Sports yemeje noneho ko yasinyishije umunyezamu Kwizera...
7 July 2020 Yasuwe: 2291 0

Jose Mourinho yishimiye ko abakinnyi be bari bagiye kurwanira mu...

Umutoza wa Tottenham,Jose Mourinho yishimiye ko abakinnye be Heung Min Son...
7 July 2020 Yasuwe: 3807 0

Cassa Mbungo yatangaje ikintu cyamubabaje muri Rayon Sports ayisaba no...

Uwari umutoza wa Rayon Sports,Cassa Mbungo Andre yatangaje ko yababajwe no...
7 July 2020 Yasuwe: 3581 0