skol
Kigali
startimes

Micheal Sarpong wanzwe na Simba SC yamaze kumvikana na Yanga Africans

Imyidagaduro   Yanditswe na: Dusingizimana Remy 20 August 2020 Yasuwe: 2056

Rutahimu Micheal Sarpong wari umaze imyaka 2 akinira ikipe ya Rayon Sports yamaze kumvikana n’ikipe ikunzwe kurusha izindi muri Tanzania,Yanga Africans nyuma y’iminsi mike yanzwe na Simba SC yari yasinyiye imbanzirizamasezerano.


Michael Sarpong waherukaga kuvugwa cyane i Kigali ubwo yakoreraga isabukuru umukunzi we yitabiriwe n’ibyamamare hakabaho kwica amabwiriza yo kwirinda Covid-19, ategerejwe i Dar Es Salaam mu ntangiriro z’icyumweru gitaha gusinya amasezerano y’imyaka 2 muri Yanga SC nk’uko Fredrick Mwakalebela umuyobozi wungirije w’iyi kipe yabyemeje.

Uyu mukinnyi w’imyaka 24 ukomoka muri Ghana, yari yarumvikanye na Simba SC kuzayikinira mu myaka ibiri iri imbere ariko mu cyumweru gishize nibwo byamenyekanye ko iyi kipe yisubiyeho.

Simba SC yabwiye uyu mukinnyi ko yakwishakira ahandi azakina kuko atakiri mu mibare yayo niko guhita atangira kuvugana na Yanga.

Simba SC yaretse Sarpong nyuma yo kugura Bernard Morisson wakiniraga mukeba Yanga SC, wateje umwuka mubi hagati y’aya makipe yombi.

Michael Sarpong nta kipe yari afite nyuma yo kwirukanwa na Rayon Sports muri Mata 2020 kubera imyitwarire mibi irimo gutuka umuyobozi w’iyi kipe Munyakazi Sadate ko nta bwenge afite bwo kuyiyobora.

Sarpong yageze mu Rwanda mu mpeshyi ya 2018 avuye iwabo muri Ghana, aho yakiniraga Dreams FC,asinyira Rayon Sports imyaka 2.

Uyu wakiniye Liberty Professionals y’iwabo, yigaragaje mu mwaka we wa mbere muri Rayon Sports, ayifasha kwegukana igikombe cya Shampiyona ya 2018/19, aho yatsinze ibitego 16.

Mu ntangiriro z’uyu mwaka, Michael Sarpong yagiye gukora igeragezwa muri Changchun Yatai FC yo mu Bushinwa, ariko amahirwe ye akomwa mu nkokora n’icyorezo cya Coronavirus cyari kimaze gufata indi ntera muri icyo gihugu.

Yagarutse mu Rwanda muri Gashyantare, akinira Rayon Sports imikino itatu mbere y’uko shampiyona ihagarikwa kubera Coronavirus.

Umwaka w’imikino wasojwe imburagihe yaratsinze ibitego bitandatu muri Shampiyona.

Ikipe ya Yanga yerekejemo ikomeje kwiyubaka cyane kuko yanaguze Rutahizamu uvuye muri Angola witwa Carlos Sténio Fernandes “Carlinhos”.

Iyi kipe kandi,igiye gusinyisha umutoza Kaze Cedric mu mpera z’iki cyumweru avuye muri America nk’umutoza mukuru mushya w’iyi kipe.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Shampiyona y’umupira w’amaguru mu Rwanda iratangira uyu munsi,Rayon Sports...

Ku ya 13 Ukwakira 2020, Ishyirahamwe ry’Umupira w’Amaguru mu Rwanda (FERWAFA)...
4 December 2020 Yasuwe: 729 0

Neymar Jr arashinjwa gukorera igikorwa cya Kinyamaswa umukinnyi wa...

Rutahizamu Neymar Jr w’ikipe ya PSG mu Bufaransa waraye wongeye kwereka isi...
3 December 2020 Yasuwe: 3263 0

Bosnjak watozaga u Rwanda muri Basketball yeguye ku mirimo ye nyuma yo...

Vladimir Bosnjak wari umutoza mukuru w’ikipe y’igihugu y’u Rwanda mu mukino...
3 December 2020 Yasuwe: 549 0

Neymar Jr yateje impaka ubwo yemezaga ko umwaka utaha azakinana na...

Rutahizamu Neymar Jr waraye witwaye neza cyane mu mukino wa UEFA Champions...
3 December 2020 Yasuwe: 1620 0

APR FC yamaze kugera muri Kenya guhangana na Gor Mahia

Ku mugoroba wo kuri uyu wa gatatu saa kumi n’igice, ikipe y’ingabo z’igihugu...
3 December 2020 Yasuwe: 1154 0

Real Madrid yiyemeje kugurana Eden Hazard undi mukinnyi mwiza ku...

Ikipe ya Real Madrid iri mu bihe bibi cyane muri uyu mwaka w’imikino,yatangiye
2 December 2020 Yasuwe: 3468 0