skol
fortebet

Mohamed Salah yabaye umukinnyi wa 05 wa Liverpool wanduye Covid-19

Yanditswe: Friday 13, Nov 2020

Sponsored Ad

Icyamamare muri ruhago, Umunya Misiri Mohamed Salah yanduye Coronavirus ari mu ikipe y’igihugu cye yiteguraga gukina imkino yo gushaka itike yo kwerekeza muri AFCON 2022.

Sponsored Ad

Ishyirahamwe ry’umupira w’amaguru mu Misiri ryatangaje ko uyu mukinnyi wa Liverpool yari kumwe na bagenzi be mu ikipe y’igihugu mu mikino yo gushaka itike yo kwerekeza mu gikombe cy’Afurika cy’ibihugu, aho ejo ku wa 14/11/2020, Misiri (Egypt) izakira Togo.

Ibi bibaye nyuma y’aho Mohamed Salah yari amaze kwitabira ubukwe bw’umuvandimwe we bwabereye mu Misiri.

Uyu mugabo w’imyaka 28 nta kimenyetso na kimwe cya Covid-19 agaragaza nubwo agiye gushyirwa mu kato.

Salah niwe mukinnyi wenyine ukinira Misiri wasanganwe Covid-19 nyuma y’ibipimo byafashwe mbere y’umukino bafitanye na Togo.

Salah yabaye umukinnyi wa 5 wa Liverpool wanduye Covid-19 nyuma ya Thiago, Sadio Mane, Xherdan Shaqiri na Naby Keita.

Aya n’andi makuru mabi yageze ku mutoza Jurgen Klopp nyuma y’aho abugarizi be bose bavunikiye cyane ko na Joe Gomez yavunitse muri iki cyumweru.

Liverpool ntabwo ifite abakinnyi barimo Trent Alexander-Arnold uzamara ibyumweru 4,Virgil van Dijk uzamara amezi 6 nyuma yo kuvunwa na Pickford n’abandi barimo Fabinho,Thiago Alcantara na Alex Oxlade-Chamberlain.

Umukino ukurikiraho,Liverpool izakira ikipe ya Leicester City iri mu ziri imbere muri Premier League,kuwa 21 Ugushyingo 2020.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa