skol
fortebet

Mugisha Moise yegukanye Grand Prix Chantal Biya 2020

Yanditswe: Sunday 22, Nov 2020

Sponsored Ad

Umunyarwanda Mugisha Moïse yegukanye isiganwa ryiswe Grand PrixChantal Biya ryabereraga muri Cameroun nyuma yo kwitwara neza mu gace ka nyuma agasoreza rimwe n’umunya Burkina Fasso watsinze.
Mugisha Moïse yegukanye Agace ka Kane ka Grand Prix Chantal Biya kakinwe kuri uyu wa Gatandatu, bimwongerera amahirwe yo gutwara iri siganwa ari nako yagerageje kujyana n’igikundi cya mbere kuri iki cyumweru.
Mu gace ka nyuma kakinwe kuri iki Cyumweru, abakinnyi bavuye i Sangmelima berekeza i Yaoundé ku (...)

Sponsored Ad

Umunyarwanda Mugisha Moïse yegukanye isiganwa ryiswe Grand PrixChantal Biya ryabereraga muri Cameroun nyuma yo kwitwara neza mu gace ka nyuma agasoreza rimwe n’umunya Burkina Fasso watsinze.

Mugisha Moïse yegukanye Agace ka Kane ka Grand Prix Chantal Biya kakinwe kuri uyu wa Gatandatu, bimwongerera amahirwe yo gutwara iri siganwa ari nako yagerageje kujyana n’igikundi cya mbere kuri iki cyumweru.

Mu gace ka nyuma kakinwe kuri iki Cyumweru, abakinnyi bavuye i Sangmelima berekeza i Yaoundé ku ntera y’ibilometero 166,2

Ku munsi w’ejo,ku rutonde rusange, Mugisha Moïse yashyizemo ikinyuranyo cy’amasegonda 39 hagati ye na Kubiš Lukáš, mu gihe Umunya-Cameroun Kamzong Clovis wa SNH Vôlo Club, yarushwaga amasegonda 45 ku mwanya wa 3.

Grand Prix Chantal Biya iri kuba ku nshuro ya 20 iri ku bipimo bya 2.2 ku ngengabihe y’Ishyirahamwe ry’Umukino w’Amagare ku Isi (UCI), izasozwa ku wa 22 Ugushyingo 2020, nyuma yo kuzenguruka ibilometero 699,4.

Mugisha Moise yitwaye neza muri Tour du Rwanda 2020, asoreza ku mwanya wa kabiri.Mu Rwanda,Mugisha Moise akina muri Skol Adrien Cycling Academy (SACA).

Mu irushanwa rya GP Chantal Biya,Mugisha Moise yegukanye uduce 2 muri dutanu twakinwe aritwo aka mbere n’aka kane.Granda Prix Chantal Biya 2020 yitabiriwe n’abakinnyi 58.

Iri rushanwa ryitabiriwe n’amakipe icyenda arimo iy’u Rwanda, Repubulika Iharanira Demokarasi ya Congo, Benin, Côte d’Ivoire, Burkina Faso, Sénégal, Mali, Dukla Banska Bystrica yo muri Slovaquie na SNH Vélo Club yo muri Cameroun.

Ubwo Team Rwanda yaherukaga kwitabira Grand Prix Chantal Biya mu mwaka ushize, Munyaneza Didier ni we Munyarwanda waje hafi, aho yasoreje ku mwanya wa kane, anatahana umwambaro w’umukinnyi muto wigaragaje mu irushanwa.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa