addresiya
Kigali
startimes

Muhadjiri na Bizimana Djihad bagobotse imiryango isaga 32 itishoboye muri iki gihe cya Coronavirus

Imyidagaduro   Yanditswe na: Dusingizimana Remy 19 April 2020 Yasuwe: 2308

Abakinnyi babiri b’ikipe y’igihugu Amavubi,Bizimana Djihad ukinira ikipe ya Waasland Beveren mu Bubiligi na Hakizimana Muhadjiri ukina mu kipe ya Emirates y’i Dubai bahaye inkunga y’ibiribwa n’isabune imiryango 32 ibayeho nabi kubera ingamba za Guma mu rugo.



Nkuko amakuru dukesha ikinyamakuru Funclub abitangaza,aba bakinnyi bombi banafitanye isano bashyize hamwe imbaraga bageneye inkunga y’ibiribwa abaturage batuye mu murenge wa Nyakabanda, akagari ka Munanira ya 2 ho mu karere ka Nyarugenge.

Ibiribwa batanze, harimo ibishyimbo, umuceri, isukari, kawunga, amavuta ndetse banatanga isabune imwe (umuti w’isabune) kuri buri muntu. Ntbwo aba bakinnyi batatangaje amafaranga batanze muri iki gikorwa.

Ababonye ibyo biribwa, bagera ku miryango32, ingana n’abantu 138 baturutse mu midugudu yose igize akagari ka Munanira ya 2 ho mu murenge wa Nyakabanda.

Umuyobozi w’akagari ka Munanira ya 2,Habimana Jules,yashimiye cyane aba bakinnyi kubera iki gikorwa cy’ubumuntu bakoze mu kiganiro yahaye Funclub.

Yagize ati “Ni igikorwa cy’ubumuntu kandi cy’urukundo. Ibi bigaragaza ko hari abantu bagifite urukundo kandi batekereza ku gihugu cyabo. Urubyiruko rundi ruba rukwiye gufatira urugero ku bikorwa nk’ibi biba byakozwe na bagenzi babo.”

Bamwe mu babonye kuri ibi biribwa, bishimiye cyane iki gikorwa cyakozwe n’aba bakinnyi ndetse bamwe mu babyeyi babihaweho, basabira umugisha mwinshi ababitanze.

Bati“Nta kindi twavuga uretse gusabira imigisha myinshi abatanze ibi biribwa kuko ni igikorwa cyiza badukoreye. Imana Ikomeze Ibaharurire inzira mu kazi bakora ka buri munsi.”

Muhadijiri Hakizimana watekereje iki gikorwa ngo yabitewe n’amahame y’idini rye rya Islam ritoza abayoboke baryo gusangira bike bafite n’abatishoboye ndetse ngo yibuka ko kuba we abasha kubona ibyo kurya hari n’abandi batasha kubibona, kandi iyo usangiye n’abandi bituma Imana Ikomeza gushyira imigisha myinshi mu kazi ukora.

Mu minsi ishize, hakaba haragaye undi mukinnyi w’umunyarwanda, ariko ukina mu gihugu cy’u Bushinwa (Chine) bakunda kwita Kamoso, nawe wahaye ibiribwa abaturage bo mu murenge wa Gitega ho mu karere ka Nyarugenge.

Hakizimana Muhadjiri na Bizimana Djihad bakinannye mu ikipe ya APR FC mbere y’uko batandukana bajya gushakira ubuzima mu bindi bihugu bihemba agatubutse.

Guhera kuwa 21 Werurwe kugeza n’uyu munsi,Leta y’u Rwanda yasabye abantu kuguma mu rugo bagasohoka gusa ariko bagiye kugura cyangwa gucuruza imiti n’ibiribwa mu rwego rwo kwirinda ikwirakwira ry’icyorezo cya Coronavirus.

Ibi byemezo byatumye ubuzima bwa benshi mu baryaga kubera ko bavuye mu rugo bakajya gukora (ba nyakabyizi) buba bubi gusa Leta y’u Rwanda,abikorera n’abandi bagiraneza bakomeje gufasha abakeneye ubufasha bose.




Amafoto:Funclub

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Rutanga Eric yateye umugongo Rayon Sports yerekeza muri Police FC yamuhaye...

Ikipe ya Police FC yamaze gusinyisha uwari kapiteni w’ikipe ya Rayon Sports...
28 May 2020 Yasuwe: 2041 0

Fan Base ya Rayon Sports yatakarije icyizere Komite Nyobozi ya Munyakazi...

Ihuriro ry’amatsinda y’amatsinda y’abafana ba Rayon Sports “Fan base...
28 May 2020 Yasuwe: 1563 0

Abraham Kellly wari umunyamabanga wa Rayon Sports yeguye ku mirimo...

Uwari Umunyamabanga mukuru wa Rayon Sports, Abraham Kelly wari umaze amezi...
28 May 2020 Yasuwe: 1375 0

Umuvugizi wa Rayon Sports yamaze kwegura ku mirimo ye

Umuvugizi w’ikipe ya Rayon Sports,Nkurunziza Jean Paul,washyizweho na...
27 May 2020 Yasuwe: 3262 2

Bruno Fernandes yavuze amagambo asingiza bikabije Cristiano Ronaldo...

Umunya Portugal, Bruno Fernandes ukinira ikipe ya Manchester United...
27 May 2020 Yasuwe: 1099 0

RIB igiye gukora iperereza ku bibazo bya ruswa no kunyereza umutungo...

Urwego rw’igihugu rw’ubugezacyaha[RIB], rugiye gutangira iperereza ku birego...
27 May 2020 Yasuwe: 1792 0