skol
Kigali
startimes

Mukura VS iri ku rwego rwo hasi yatsinzwe na AS Kigali y’abakinnyi 10

Imyidagaduro   Yanditswe na: Dusingizimana Remy 10 December 2020 Yasuwe: 3903

Ikipe ya AS Kigali yakinnye umukino wa mbere muri shampiyona y’u Rwanda ubwo yatsindaga Mukura VS ibitego 2-0 byinjiye mu gice cya mbere ndetse iyi kipe y’umujyi yahawe ikarita y’umutuku irangiza umukino ari abakinnyi 10.


Mukura VS iri ku rwego rwo hasi cyane,yatangiye shampiyona itsindwa na Kiyovu Sports ibitego 3-1 ku kibuga cyayo,inganya na Sunrise FC ku mukino wa kabiri none kuri uyu wa Kane yatsinzwe umukino wa Gatatu.

AS Kigali yatangiye umukino iri ku rwego rwo hejuru biyifasha kubona igitego cya mbere ku munota wa 2 gitsinzwe na Orotomal Alex ku mupira yahawe na Hakizimana Muhadjiri, hanyuma asiga myugariro Olih Jacques hasi atera mu izamu.

Ku munota wa 26,AS Kigali yabonye uburyo bukomeye ubwo Abubakar Lawal yinjiranaga umupira, awutanga kuri Shabani Hussein Tchabalala wahise ahereza Orotomal Alex awupfusha ubusa.

AS Kigali yabonye igitego cya kabiri ku munota wa 38 gitsinzwe na Shabani Hussein ’Tchabalala’ ku mupira mwiza yacomekewe na Abubakar Lawal umusanga ahagaze wenyine awutera umutwe wijyana mu izamu.

Ku munota wa 43,nabwo Orotomal yananiwe gutsinda igitego cyari cyabazwe nyuma yo gusigarana n’umunyezamu wa Mukura VS iratugenera.Igice cya mbere cyarangiye AS Kigali ifite 2-0 bwa Mukura VS.

Mu gice cya kabiri,AS Kigali yagarukanye ubukana nk’ubwo mu gice cya mbere aho Mukura VS yananiwe guhuza umukino kuva utangiye kugera urangiye.

Ku munota wa 60, Ishimwe Christian yateye coup Franc yari inyuma gato y’urubuga rw’amahina ahana ikosa ryari rikorewe kuri Hakizimana Muhadjiri ,umupira ukubita umutambiko w’izamu,ugarutse, Orotomal awushyira mu izamu ariko umusifuzi wo ku ruhande agaragaza ko habayeho kurarira.

Ku munota wa 70, Umunya-Nigeria Orotomal Alex yahushije igitego cyabazwe nyuma yo kuroba umunyezamu Iratugenera Edouard, asigarana n’izamu ryambaye ubusa, atera umupira hanze.

Ku munota wa 73, Orotomal Alex,yahawe ikarita itukura nyuma yo kubwira umusifuzi wo ku ruhande amagambo ashobora kuba ari ibitutsi.

Mukura VS yagaragaje ko iri ku rwego rwo hasi nyuma y’iyi karita,kuko ntiyigeze iyibyaza umusaruro ngo isatire AS Kigali ahubwo yakomeje kurushwa kugeza umukino urangiye itsinzwe ibitego 2-0.

Indi mikino yabaye uyu munsi, AS Muhanga yanganyije na Gorilla FC ubusa ku busa mu gihe Police FC yatsindiye Bugesera FC iwayo ibitego 3-1.Etincelles FC 1-2 Musanze FC.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Tour du Rwanda yari iteganyijwe muri Gashyantare 2021 yimuriwe muri...

Ubuyobozi bw’ishyirahamwe ry’umukino wo gusiganwa ku magare mu Rwanda...
15 January 2021 Yasuwe: 2543 0

Cristiano Ronaldo ahembwa umushahara uruta uwo amakipe 4 yo muri Serie A...

Kizigenza Cristiano Ronaldo ukinira ikipe ya Juventus uhembwa amafaranga...
15 January 2021 Yasuwe: 3154 0

Didier Drogba yahishuye uko yatandukanye n’umugore we nyuma y’amafoto...

Uwahoze ari rutahizamu wa Chelsea n’ikipe y’igihugu ya Cote d’Ivoire,Didier...
15 January 2021 Yasuwe: 4898 0

Zidane yafatiye ibihano bikomeye Vinicius Jr wakoze igikorwa...

Umutoza Zinedine Zidane w’ikipe ya Real Madrid yafatiye ibihano Vinicius Jr...
14 January 2021 Yasuwe: 5390 0

Paul Pogba yahaye ubutumwa Liverpool bahataniye igikombe cya...

Umufaransa Paul Pogba ukina hagati mu kibuga mu ikipe ya Manchester United...
14 January 2021 Yasuwe: 4682 0

Munyakazi Sadate wahoze ayobora Rayon Sports yategeye akayabo Amavubi ku...

Uwahoze ari Perezida wa Rayon Sports mbere y’uko yeguzwa na RGB mu mwaka...
13 January 2021 Yasuwe: 4797 0