skol
Kigali
startimes

Munyakazi Sadate yumviye RGB ahagarika inzego zose zigize Rayon Sports Association

Imyidagaduro   Yanditswe na: Dusingizimana Remy 10 August 2020 Yasuwe: 2781

Urwego rw’imiyoborere mu Rwanda,RGB rwasabye ubuyobozi bwa Rayon Sports guhagarika inzego zose zishamikiye Kuri iyi kipe hagasigara hakora Komite nyobozi iyobowe na Munyakazi Sadate.Munyakazi Sadate yahise yandikira abanyamuryango b’ikipe abamenyesha iby’iki cyemezo.


Inzego za Rayon Sports zahagaritswe zirimo Fan Base ,Ubuyobozi bwa za Fan Clubs ,Imena,n’izindi.

Mu ibaruwa RGB yandikiye Rayon Sports yayisabye 7 Kanama 2020,yayisabye guhagarika izi nzego zose hagasigara komite nyobozi ari nabyo Munyakazi Sadate yashyize mu bikorwa.

Munyakazi yandikiye abagize inzego zigize Umuryango Rayon Sports,azimenyesha ko uretse Komite Nyobozi gusa, izindi nzego zose zibaye zihagaritswe kuva kuri uyu wa Mbere.

Ati “Nshingiye ku ibaruwa No69/RGB/CEO/PPs&CSD/2020 nandikiwe n’Umukuru w’Urwego rw’Igihugu rw’Imiyoborere (RGB), mbandikiye mbamenyesha ko nzego zose za Association ya Rayon Sports zibaye zihagaritswe uhereye none tariki ya 10 Kanama 2020, uretse Komite Nyobozi.

Uretse Urwego rwa Komite Nyobozi y’Umuryango, izindi nzego zose zigaragara muri Association Rayon Sports zibaye zihagaritswe kugera igihe inonosorwa ry’amategeko shingiro y’Umuryango rizarangirira hakajyaho inzego zizaba zihuye n’ayo mategeko.”

Muri Gicurasi uyu mwaka, Urwego rw’Igihugu rw’Imiyoborere rwakemuye impaka zari zavutse mu ikipe zivuga k’umuyobozi uhagarariye ikipe mu mategeko aho rwemeje ko Munyakazi Sadate ariwe wemewe

RGB yavuze ko Rayon Sports nta nteko rusange ikwiriye gutegura mu gihe amategeko shingiro umuryango Rayon Sports uzagenderaho ataranonosorwa

Iki cyemezo kiburijemo inama y’inteko rusange yasabwaga n’abashaka impinduka muri Rayon Sports biganjemo abahoze bayiyobora basabaga ko ikorwa bitarenze iminsi itanu 5 uhereye kuwa Gatandatu.




Munyakazi yashyize mu bikorwa icyemezo cya RGB

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umunya Slovenia Tadej Pogacar yateye intambwe ikomeye yo kwegukana Tour de...

Nubwo atahabwaga amahirwe kubera imbaraga z’ikipe itari ku rwego rwo hejuru...
19 September 2020 Yasuwe: 359 0

Thiago Alcantara yahishuye abakinnyi batumye afata umwanzuro wo kwerekeza...

Umukinnyi Thiago Alcantara wamaze kwerekeza mu ikipe ya Liverpool yatangaje...
19 September 2020 Yasuwe: 1048 0

Kiyovu Sports yashyizeho ibisabwa ku muntu ushaka kuba Perezida wayo...

Komisiyo y’amatora muri Kiyovu Sports yatangaje ibisabwa kuri buri wese...
19 September 2020 Yasuwe: 1187 0

Mikel Arteta yatangaje ikintu cyamuteye ubwoba cyane akimara guhabwa akazi...

Umutoza wa Arsenal,Mikel Arteta yatangaje ko akimara guhabwa akazi ko...
19 September 2020 Yasuwe: 1014 0

Liverpool yasinyishije umukinnyi wo hagati uri mu beza cyane ku...

Ikipe ya Liverpool yemeje ko yamaze gusinyisha umunya Espagne witwa Thiago...
18 September 2020 Yasuwe: 2205 0

Nta mukinnyi utakwifuza gukinira APR FC itwara ibikombe-Tuyienge...

Rutahizamu mushya w’ikipe ya APR FC Tuyisenge Jacques yatangaje ko aje muri...
18 September 2020 Yasuwe: 888 0