Kigali
startimes

Munyaneza Didier yatangiranye imbaraga zidasanzwe Tour du Senegal ahita yambara umwenda w’umuhondo

Imyidagaduro   Yanditswe na: Dusingizimana Remy 12 November 2019 Yasuwe: 840

Umunyarwanda Munyaneza Didier uzwi nka Mbappe yitwaye neza mu gace ka kabiri ka Tour du Senegal kabaye ku munsi w’ejo,bimuhesha kwambara umwambaro w’umuhondo.



Muri aka gace ka kabiri ka Tour du Senegal, u Rwanda ruhagarariwemo n’Ikipe ya Benediction Excel Energy,Munyaneza Didier na Byukusenge Patrick bakoranye neza bituma bigaranzura amakipe akomeye.

Muri aka gace ka kabiri ka Tour du Senegal, abakinnyi bahagurukiye ahitwa Ziguinchor berekeza Kolda ku ntera y’ibilometero 185, birangira Umunya-Slovakia, Jan Andrej Cully ariwe ukegukanye.

Munyaneza Didier yaje mu myanya myiza bimuhesha kwambara umwenda w’umuhondo nyuma yo gukoresha amasaha icyenda, iminota 31 n’amasegonda 27 ku rutonde rusange.

Umudage witwa Linert Thomas wa Embrace the World, watwaye agace ka mbere,niwe ukurikiye Munyaneza gusa ararushwa iminota itatu n’amasegonda 20 mu gihe undi Mudage ukinira iyi kipe, Keller Herman, we amurusha iminota itatu n’amasegonda 30.

Abandi banyarwanda bahagaze neza ku rutonde rusange kuko Manizabayo Eric n’uwa karindwi ku rutonde rusange, arushwa iminota itatu n’amasegonda 42 mu gihe Byukusenge Patrick ari ku mwanya wa cyenda arushwa iminota umunani n’amasegonda 40.

Nzafashwanayo Jean Claude ari ku mwanya wa 12 arushwa iminota 12 n’amasegonda 12 mu gihe Nkurunziza Yves wa 28, we arushwa na Mbappé iminota 21 n’amasegonda arindwi.

Irushanwa rizakomeza ku wa Gatatu hakinwa agace ka gatatu, aho abakinnyi bazakora intera y’ibirometero 120 bava Ndangane berekeza i Nguéniène.Tour du Senegal y’uyu mwaka igizwe n’uduce 7.



Munyaneza yafashe umwenda w’umuhondo hakiri kare

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Reba urutonde rw’abakinnyi 25 beza ba FC Barcelona b’ibihe byose bayobowe na...

Abafana n’abaterankunga b’ikipe ya FC Barcelona batoye umukinnyi mwiza...
14 July 2020 Yasuwe: 1438 0

Russell Westbrook wabaye MVP muri 2017 bamusanzemo Covid-19

Russell Westbrook, icyamamare muri Basketball akaba umukinnyi wa Houston...
13 July 2020 Yasuwe: 302 0

APR FC igiye kurekura abakinnyi barimo Sugira Ernest

Ubuyobozi bwa APR FC bwahaye uburenganzira Sugira Ernest na Nkomezi Alex...
13 July 2020 Yasuwe: 2931 0

Murumuna wa Serge Aurier yarasiwe inyuma y’akabyiniro arapfa

Umuvandimwe w’umukinnyi wa Tottenham Serge Aurier yishwe arashwe mu mu mujyi...
13 July 2020 Yasuwe: 2141 0

Manchester City yatsinze UEFA yemererwa kugaruka muri UEFA Champions...

Ikipe ya Manchester City yatsinze urubanza rwo kujuririra ibihano yari...
13 July 2020 Yasuwe: 726 0

Rayon Sports yategetswe kwishyura imishahara myugariro Runanira...

Akanama Nkemurampaka k’Ishyirahamwe ry’Umupira w’Amaguru mu Rwanda (FERWAFA)...
11 July 2020 Yasuwe: 2367 0