skol
Kigali
startimes

Murenzi Abdallah na Komite ye basinyishije umukinnyi wa Mbere bamukuye muri APR FC

Imyidagaduro   Yanditswe na: Dusingizimana Remy 28 September 2020 Yasuwe: 1219

Ubuyobozi bw’inzibacyuho bwa Rayon Sports burangajwe imbere na Murenzi Abdallah, bwasinyishije umukinnyi wa mbere uyu akaba ari myugariro wa APR FC, Niyigena Clément, wari waratijwe muri Marines FC.


Mu ijoro ryo kuri iki Cyumweru nibwo Murenzi Abdallah yasinyishije uyu mukinnyi ku masezerano y’imyaka ibiri nyuma y’uko Rayon Sports igaragarije APR FC ko imwifuza.

Niyigena Clément ukina mu mutima wa ba myugariro, yagaruwe muri APR FC yakuriyemo, mu mpeshyi ya 2019, avuye muri Marines FC.

Nyuma yo kubona ko atazabona umwanya uhagije wo gukina, uyu mukinnyi yongeye gutizwa muri Marines FC, ayikinira mu mwaka w’imikino wa 2019/20.

Amakipe atandukanye arimo Kiyovu Sports na Sunrise FC yari yifuje gutizwa uyu mukinnyi muri uyu mwaka wa 2020/21 nyuma yo kubwirwa n’umutoza wa APR FC ko n’ubundi atabona umwanya wo gukina.

Ubuyobozi bwa APR FC bwemeye gutanga uyu mukinnyi muri Rayon Sports, aho azahanganira umwanya ubanza mu kibuga n’abarimo kapiteni Rugwiro Hervé, Kayumba Soter na Ndizeye Samuel.

Kuba Rayon Sports yarifuzaga uyu mukinnyi ndetse na we ashaka kuyijyamo biri mu byatumye APR FC imwemerera kujya aho azamura urwego kurusha muri Marines FC.

Niyigena Clement wakiniye Amavubi U23,yari kapiteni wa Marines FC isanzwe ikorana bya hafi na APR FC cyane ko zombi ari iza gisirikare.


Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Perezida mushya wa Rayon Sports ushaka kuyigira mpatsamakipe yahawe...

Perezida Mushya wa Rayon Sports,Uwayezu Jean Fidele, yatangaje ko afite...
25 October 2020 Yasuwe: 2272 0

Umukinnyi wakunzwe cyane muri Arsenal yatangiye kwitoreza muri pariki nyuma...

Benshi mu bakunzi b’umupira w’amaguru ku isi by’umwihariko aba Arsenal bakunze...
25 October 2020 Yasuwe: 3050 0

Perezida Mushya wa Rayon Sports ntiyiteguye kumena amafaranga ye mu ikipe...

Ku munsi w’ejo nibwo inteko rusange ya Rayon Sports yatoye Uwayezu Jean...
25 October 2020 Yasuwe: 1647 0

Umutoza wa FC Barcelona yandagaje cyane VAR nyuma yo gutsindwa na Real...

Umutoza wa FC Barcelona,Ronald Koeman yavuze ko VAR ifasha abasifuzi aho...
25 October 2020 Yasuwe: 1989 0

Ajax yanyagiye ikipe ibitego 13-0 muri shampiyona y’Ubuholandi

Ikipe ya Ajax Amsterdam yubatse izina I Burayi kubera ibikombe yatwaye mu...
25 October 2020 Yasuwe: 756 0

Patriots yatwaye igikombe cya shampiyona REG BBC mu mukino warebwe na...

Ikipe ya Patriots BBC yakomeje gushimangira ko mu mukino wa Basketball mu...
24 October 2020 Yasuwe: 817 0