Kigali

Muri Ethiopia hasubitswe umukino kubera indirimbo z’imitwe ya Politiki

Imyidagaduro   Yanditswe na: Martin Munezero 4 June 2019 Yasuwe: 1114

Umukino wagombaga guhuza ikipe ya Ethiopian Coffee na Mekelle Kenema warasubitswe kubera akavuyo k’abafana no kuririmba indirimbo za politiki.



Umukino wagombaga guhuza Ethiopian Coffee na Mekelle kuri iki cyumweru warasubitswe bitewe n’uko polisi yasanze kubacungira umutekano bigoranye bitewe no guhangana kw’abafana b’aya makipe.

Umukino wagombaga kubera ku kibuga cy’ikipe ya Coffee ntiwabasha kuba kuko mu mukino wabaye wakiniwe ku cya Mekelle warangiye humvikanye indirimbo za politiki zaririmbwaga n’abafana b’ikipe ya Coffee.

Mekelle ubusanzwe ufatwa nk’umurwa mukuru w’agace ka Tigray .

Kuva Abiy Ahmed yaba Minisitiri w’Intebe wa Ethiopia muri Mata umwaka ushize aka gace Tigray gafatwa nk’akahejwe mu bikorwa bya politike no kuba katari muri gahunda ya leta yo kuba katezwa imbere nk’utundi duce.

Ishyirahamwe ry’umupira w’amaguru muri iki gihugu ryatangaje ko uyu mukino wimuriwe kuri uyu wa kane tariki 06 Kamena 2019 ukazaba nta mufana n’umwe uri mu kibuga.

Ibi byababaje cyane ikipe ya Ethiopian Coffee ivuga ko igiye kujyana ikirego mu Ishyirahamwe ry’umupira w’amaguru muri Afurika (CAF) kuko ngo isanga yaba ikorewe akarengane gakabije.

Ibi bije mu gihe Shampiyona y’iki gihugu iri kugera ku musozo aho ikipe ya Mekelle ari iya kabiri ikurikiye Fisil iyoboye urutonde n’amanota atatu irusha iyiyikurikiye.

Uyu mukino wari ufite byinshi usobanuye ku ikipe ya Makelle Kenema kuko kuwutsinda kwayo byari buyifashe guhita inganya amanota na Fisil iyoboye urutonde rwa Shampiyona.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Imikino y’umunsi wa 14 wa shampiyona y’u Rwanda irakomeje,reba abakinnyi...

Shampiyona y’ u Rwanda mu mupira w’amaguru irakomeza kuri uyu wa gatandatu...
11 December 2019 Yasuwe: 3507 0

Sergio Ramos yasabye ikintu gitangaje abategura ibihembo bya Ballon...

Kapiteni wa Real Madrid, Sergio Ramos,yavuze ko Cristiano Ronaldo na Lionel...
11 December 2019 Yasuwe: 3764 0

Carlo Ancelotti yirukanwe ku kazi nyuma y’amasaha make afashije Napoli...

Umutoza w’umunyabigwi I Burayi,Carlo Ancelotti yirukanwe ku kazi nyuma...
11 December 2019 Yasuwe: 1837 0

UCL: Liverpool yasimbutse umutego ukomeye yari yatezwe mu gihe Inter Milan...

Ikipe ya Inter Milan na Ajax zahabwaga amahirwe yo kugera muri 1/16 cya...
11 December 2019 Yasuwe: 2273 0

Umuhungu wa Cristiano Ronaldo yongeye kuvugwa cyane kubera ibyo yakoreye...

Umuhungu wa Cristiano Ronaldo,Cristiano Jr,yongeye kugaruka mu binyamakuru...
10 December 2019 Yasuwe: 5749 1

Biravugwa:Rutanga Eric mu nzira zo gutandukana n’ikipe ya Rayon...

Rutanga Eric ukina yugarira aca ku mpande akaba na kapiteni wa Rayon Sports...
10 December 2019 Yasuwe: 4831 0