skol
Kigali
startimes

Mwishywa wa Adebayor wari wamaze gusinyira ikipe ya Rayon Sports ntabwo azaza kuyikinira

Imyidagaduro   Yanditswe na: Dusingizimana Remy 16 September 2020 Yasuwe: 1718

Rutahizamu w’umunya Togo akaba na mwishywa wa Emmanuel Adebayor witwa Alex Nyarko Harley,wari wasinyiye Rayon Sports amasezerano y’umwaka 1 washoboraga kongerwa yamaze kwemeza ko atazaza gukinira iyi kipe.


Uyu mukinnyi wari watangaje ku mugaragaro ko yemeye gukinira ikipe ya Rayon Sports avuye mu ikipe ya Las Vegas Lights FC (USL club) yo mu cyiciro cya 4 muri Leta Zunze Ubumwe za Amerika yamaze kwemeza ko yisubiyeho atazakinira Rayon Sports.

Mu kiganiro cyihariye Perezida wa Rayon Sports, Munyakazi Sadate, yagiranye na Radio Flash FM kuri uyu wa Gatatu tariki 16 Nzeri 2020, yavuze ko Alex Nyarko atakije muri Rayon Sports nubwo bari baramaze kumusinyisha.

Yagize ati " Alex ni umukinnyi twari twaguriwe n’umwe mu bakunzi ba Rayon Sports bari kudufasha gushaka abafatanyabikorwa...muri abo, bafatanyabikorwa rero bari bifuje ko batuzanira umukinnyi Alex..."

Yunzemo ati " Alex rero twamuhaye kontaro turayisinyana ndetse mwabonye ko yabibatangarije ariko nyuma abantu baramwandikira kuri Twitter, bamubwira ko atazabona amafaranga, ko atazishyurwa, ko azabaho nabi , ko aje mu muriro bituma rero umukinnyi wari uri ku rwego nkurwo yari ariho muri Amerika , abonye ayo makuru ahindura ibitekerezo."

Muri Kamena uyu mwaka, nibwo ikipe ya Rayon Sports ibinyujije kuri Twitter yayo,yatangaje ko yamaze gusinyisha uyu rutahizamu ukomoka muri Togo witwa Alex Nyarko Harley.

Uyu Alex w’imyaka 27, ni mwishywa wa Emmanuel Adebayor wabaye icyamamare mu mupira w’amaguru mu makipe nka Arsenal,Real Madrid,Tottenham na Manchester City.

Mu mashusho yohereje nyuma yo gusinya yagize ati " Muraho nshuti za Rayon Sports ? Nishimiye kubasinyira. Tuzahure mu ’mwaka w’imikino utaha’.Reka dukorere amateka hamwe."

Ikipe ya nyuma Alex Harley yakiniye ni Georgia Revolution FC yo mu cyiciro cya 4 muri USA.Ntabwo arakinira Togo na rimwe.

Munyakazi Sadate yavuze kandi ko nubwo hari bamwe mu banyamuryango ba Rayon Sports barimo n’abahoze mu buyobozi bwayo bashatse kumweguza, ngo ubu bahura bagasangira, bakanaganira.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Frank Lampard yatangaje abakinnyi 3 yishimiye mu mukino yatsinzwemo na...

Umutoza wa Chelsea,Frank Lampard yatangaje ko nubwo yaraye atsinzwe na...
21 September 2020 Yasuwe: 2621 0

Sadio Mane yafashije Liverpool gushegesha Chelsea FC y’abakinnyi...

Ikipe ya Liverpool ikomereje aho yasoreje Shampiyona y’umwaka ushize yatwaye...
20 September 2020 Yasuwe: 1780 0

Kyle Walker yarakajwe no kumenya ko umukunzi we yamuciye inyuma kandi we...

Umukinnyi wa Manchester City,Kyle Walker,ari mu gahinda kenshi ko kuba...
20 September 2020 Yasuwe: 4548 0

Tottenham yagaruye kizigenza yirereye Gareth Bale

Ikipe ya Tottenham yamaze gutangaza ko yagaruye umunya Wales,Gareth Bale...
19 September 2020 Yasuwe: 1972 0

Umunya Slovenia Tadej Pogacar yateye intambwe ikomeye yo kwegukana Tour de...

Nubwo atahabwaga amahirwe kubera imbaraga z’ikipe itari ku rwego rwo hejuru...
19 September 2020 Yasuwe: 802 0

Thiago Alcantara yahishuye abakinnyi batumye afata umwanzuro wo kwerekeza...

Umukinnyi Thiago Alcantara wamaze kwerekeza mu ikipe ya Liverpool yatangaje...
19 September 2020 Yasuwe: 1826 0