skol
Kigali
startimes

Myugariro wa Tottenham yavuye mu kibuga umukino utarangiye ajya mu bwiherero Mourinho amusangayo [AMAFOTO]

Imyidagaduro   Yanditswe na: Dusingizimana Remy 30 September 2020 Yasuwe: 6369

Umutoza Jose Mourinho uhorana udukoryo twinshi yakurikiye myugariro we Eric Dier wagiye mu bwiherero umukino bakinaga na Chelsea muri Carabao Cup urimbanyije ndetse banatsinzwe.


Ubwo Chelsea yari ifite igitego 1-0 cyari cyatsinzwe na Timo Werner,myugariro Eric Dier yasohotse mu kibuga nk’usimbuwe ajya mu bwiherero bitunguranye hanyuma amashusho agaragaza umutoza we Jose Mourinho amukurikiye.

Uyu mukinnyi yasohotse mu kibuga ku munota wa 75 ajya mu bwiherero benshi bagira ngo arasimbuwe nyamara babona umutoza Mourinho aramukurikiye.

Tottenham yaje kwishyura iki gitego yari yatsinzwe mu minota ya nyuma ibifashijwemo na Eric Lamela ndetse hahise hakurikiraho penaliti zayihiriye kuko yatsinze 5-4 za Chelsea.Mason Mount niwe wahushije penaliti ya Chelsea.

Nyuma y’umukino,Dier yabwiye Sky Sports ati “Mourinho yarakaye cyane ariko ntacyo nari kubikoraho.Kamere yari ihamagaye.

Numvise ko Chelsea yabonye amahirwe akomeye ubwo nari ndi mu bwiherero ariko Imana ishimwe ko batatsinze.Kuba twitwaye neza n’ibyishimo bikomeye.

Mourinho yabwiye Sky Sports ati “Dier yagombaga kugenda,nta yandi mahirwe yari ahari yagombaga kugenda.Ni ibisanzwe ku muntu kugira ikibazo mu mubiri ariko ntacyo wabikoraho.

Nagombaga kumushyiraho igitutu kugira ngo kugira ngo agaruke mu minota yari isigaye.N’urugero rwiza kuri buri wese.”

Avugana n’abandi banyamakuru,Mourinho yagize ati “Ikibazo nuko atari ukwihagarika.Kuba yasohotse mu kibuga ukwiriye kwibaza uko byari bimeze.Nari mbizi ariko namuhatirije kugaruka mu kibuga vuba na bwangu.”

Dier yasekeje benshi ubwo yahabwaga igihembo cy’umukinnyi mwiza yarangiza akagishyira hejuru y’ubwiherero yarangiza akandikaho ati “Umukinnyi w’umukino wa nyawe.”

Mourinho nawe yanditse kuri Instagram ati “Nishimiye abakinnyi banjye bose ariko uyu we [Dier] ni intangarugero.Iminota 180 mu masaha 48.”




Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umukinnyi wakiniye Aston Villa yakatiwe igifungo cy’imyaka 2 azira gushyira...

Uwahoze ari myugariro wa Aston Villa witwa Antonio Luna ukomoka mu gihugu...
20 January 2021 Yasuwe: 4222 0

Muhadjiri yatowe mu ikipe y’abakinnyi 11 bitwaye neza ku munsi wa mbere...

Umunyarwanda ukina asatira izamu Hakizimana Muhadjiri, yaje mu ikipe...
20 January 2021 Yasuwe: 4380 0

KNC yategeye "Amavubi"akayabo kugira ngo azatsinde Maroc muri CHAN...

Umunyemari Kakoza Nkuriza Charles nyiri Radio na TV1 yatangaje ko yiteguye...
20 January 2021 Yasuwe: 5134 0

Neymar Jr aravugwa mu rukundo rw’ibanga n’umuhanzikazi ufite umwana...

Kizigenza wa PSG,Neymar Jr aravugwa mu rukundo n’umuhanzikazi wo muri...
20 January 2021 Yasuwe: 4364 0

Hahishuwe impamvu idasanzwe yatumye Pierre-Emerick Aubameyang asimbuzwa...

Kapiteni wa Arsenal, Pierre-Emerick Aubameyang,witwaye neza mu mukino iyi...
20 January 2021 Yasuwe: 4394 0

Reba ibyo Munyakazi Sadate yatangaje nyuma yuko Amadorali yari yategeye...

Mu minsi ishize nibwo Muyakazi Sadate yatangaje ko Amavubi naramuka atsinze...
19 January 2021 Yasuwe: 8851 0