skol
Kigali
startimes

Napoli yabujijwe kujya gukina na Juventus kubera COVID-19,iteguzwa guterwa mpaga

Imyidagaduro   Yanditswe na: Dusingizimana Remy 4 October 2020 Yasuwe: 3442

Ikipe ya Napoli yo mu Butaliyani yagiriwe inama n’ubuyobozi bw’uyu mujyi ko yareka kujya gukina na Juventus muri Serie A kubera ikibazo cya Covid-19 gikomeje kwiyongera mu makipe yombi ariko Juventus yatangaje ko yo irazana mu kibuga ikipe ya mbere ndetse ko Napoli nibura bayitera mpaga.


Napoli yagombaga kwerekeza I Turin ku munsi w’ejo saa kumi z’amanywa zo muri icyo gihugu ariko abayobozi b’umujyi bahise bayibwira ko ntaho ijya kubera impamvu z’icyorezo cya Covid-19 cyongeye kuzamura ubukana hirya no hino mu Butaliyani.

Abanduye Coronavirus mu makipe bakomeje kwiyongera mu makipe yo mu Butaliyani mu minsi ishize,aho Genoa iheruka gukina na Napoli yatangaje ko abakinnyi bayo 22 basanganwe iki cyorezo mu gihe abakozi 2 ba Juventus nabo basanganwe iki cyorezo.

Abakinnyi 2 ba Napoli barimo Elif Elmas na Piotr Zielinski banduye iyi virus ariyo mpamvu ubuyobozi bwa Napoli bwanze ko iyi kipe ijya gukina hanze kugira ngo itazana icyorezo ikagikwirakwiza.

Juventus yatangaje ko uyu mukino ugomba kuba byanze bikunze ndetse itari buze kwemera ko usubikwa kuko isaha nizigera iramanura mu kibuga ikipe yabo ya mbere bagatera mpaga Napoli.

Mu ijoro ryo kuri uyu wa Gatandatu Juventus yatangaje iti “Juventus Football Club iratangaza ko ikipe ya mbere izashyirwa mu kibuga ku mukino wa Juventus - Napoli uzaba ku munsi w’ejo saa 20:45 nkuko ingengabihe ya Serie A ibigaragaza.Serie A iremeza ko uyu mukino uzaba nta kabuza nkuko uteganyijwe.”

Amategeko ya Serie A avuga ko ikipe igomba kuba ifite abakinnyi 13 kugira ngo umukino ubashe kuba,yababura igaterwa mpaga.

Icyemezo cy’abaypbozi b’umujyi wa Napoli cyo kubuza iyi kipe kujya gukina,cyateje impaka ndetse bituma benshi bibaza kuri uyu mukino wari utegerejwe na benshi.
Napoli niterekeza ku kibuga Allianz Stadium uyu munsi,iraterwa mpaga y’ibitego 3-0 nkuko amategeko abitangaza.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Frank Lampard yavuze kuri Timo Werner wahushije igitego ari kumwe...

Umutoza wa Chelsea,Frank Lampard,yavuze ko nubwo umukinnyi we Timo Werner...
17 January 2021 Yasuwe: 3141 0

Abakinnyi b’Amavubi bahawe nimero bazambara muri #TOTALCHAN2020

Ikipe y’igihugu y’u Rwanda Amavubi ikomeje imyitozo I Douala muri Cameroun...
16 January 2021 Yasuwe: 5009 0

Bruno Fernandes yahishuye ikintu gikomeye Manchester United itazemerera...

Umukinnyi Bruno Fernandes wazamuye urwego rw’ikipe ya Manchester United kuva...
16 January 2021 Yasuwe: 4104 0

Arsenal na Mesut Ozil bumvikanye ku kintu gikomeye

Amakuru aturuka mu Bwongereza aravuga ko Arsenal yamaze kumvikana...
16 January 2021 Yasuwe: 5059 0

Mohamed Salah yahishuye umukinnyi wa Liverpool watumye arira kubera...

Rutahizamu Mohamed Salah ukinira Liverpool yatangaje ko kuva yagera muri...
16 January 2021 Yasuwe: 4911 0

Cristiano Ronaldo yaciye amarenga y’undi mwuga yashobora mu mashusho...

Rutahizamu Cristiano umaze imyaka isaga 15 ari hejuru mu mupira w’amaguru...
16 January 2021 Yasuwe: 4635 0