skol
fortebet

Nigeria: Abajura bateze imodoka yari itwaye abakinnyi n’abatoza barayirasa biviramo benshi gukomereka

Yanditswe: Sunday 01, Dec 2019

Sponsored Ad

Abicanyi bitwaje intwaro bateze imodoka yari itwaye abakinnyi n’abatoza b’ikipe yitwa FC Ifeanyi Ubah yo mu cyiciro cya mbere muri Nigeria biviramo abagera kuri 6 gukomereka cyane.

Sponsored Ad

Iyi kipe yo mu ntara yitwa Anambra yatezwe n’aba bagizi ba nabi ubwo yari imaze kugenda amasaha 5 muri 14 yagombaga gukora igiye guhura n’iyitwa Jigawa Golden Stars.

Umushoferi wa bisi n’abakinnyi 5 ba FC Ifeanyi bose barashwe ndetse bamerewe nabi cyane nkuko itangazo ryasohowe n’iyi kipe ryabitangaje.

Aba bantu bateye iyi kipe n’abajura bari bitwaje intwaro bari bambaye imyenda isa neza n’iy’urubyiruko rw’abanyeshuli barangije kaminuza bari ku rugerero.

Muri iri tangazo ikipe ya Ifeanyi Ubah yashyize kuri Facebook yagize iti “Imana ihimbazwe ko nta muntu wapfuye.Gusa,umushoferi yarashwe n’abakinnyi bake n’abatoza bakomeretse cyane.Abarashwe bari kwitabwaho cyane.”

Ikipe ya Ifeanyi Ubah izwi nka The Anambra Warriors,iri ku mwanya wa 10 wa NPFL n’amanota 8 mu mikino 5.kubera ubu bugizi bwa nabi imikino ya shampiyona yimuriwe kuwa mbere.






Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa