skol
Kigali
startimes

Ole Gunnar Solskjaer yatanze impamvu itangaje yatumye atsindwa na Arsenal

Imyidagaduro   Yanditswe na: Dusingizimana Remy 2 November 2020 Yasuwe: 3558

Umutoza wa Manchester United, Ole Gunnar Solskjaer,yatangaje ko impamvu nyamukuru yatumye atsindwa na Arsenal ndetse yihishe inyuma yo kugorwa cyane na Premier League uyu mwaka ari ugukinira kuri stade itagira abafana.


Uyu mugabo waraye atsinzwe igitego 1-0 na Arsenal kuri iki cyumweru,yabwiye abanyamakuru ko gukinira kuri Old Trafford itarimo abafana byagoye ikipe ye ari nayo mpamvu yatsinzwe.

Ole Gunnar Solskjaer yemeye ko ikipe ye yari ku rwego rwo hasi ariko avuga ko byose byatewe nuko abakinnyi be batarabasha kumenyera gukinira kuri stade zitarimo abafana.

Yagize ati “Kuva mu gice cya mbere ntabwo twigeze dukanguka.Bari beza kuturusha.Uretse amahirwe make,byagaragaraga ko nabo batari gushobora kwinjiza igitego kitari penaliti.Dukwiye guhaguruka n’imbaraga nyinshi…Ntabwo twari mu mukino.

Uyu munsi twagendaga gake cyane,imipira twatangaga yose yifatirwaga n’abo duhanganye.Ibyo twakoze byose ntibyaduhiriye.

Imyitwarire yo hanze no mu rugo isigaye itandukanye bitewe nuko nta bafana bari ku bibuga.Ntabwo aribyo warebaho gusa ahubwo ureba no ku musaruro.Dukwiriye gushaka amanota.Tugiye gutegura cyane umukino wa Everton.”

Nyuma y’iminsi 7 ya shampiyona,Manchester United iri ku mwanya wa 15 n’amanota 7 aho kuri ubu iri kwitwara nabi ku kibuga cyayo Old Trafford cyane ko ifite inota rimwe gusa mu mikino 4 imaze kuhakinira.Yahatsindiwe na Crystal Palace, Tottenham na Arsenal.

Igitego cya Arsenal cyabonetse ku munota wa 69 gitsinzwe na Pierre-Emerick Aubameyang kuri penaliti nyuma y’ikosa Pogba yakoreye kuri Bellerin.

Arsenal yari imaze imyaka 14 idatsindira United kuri Ols Trafford muri Premier League ariko ako gahigo kabi yaraye igakuyeho biyifasha kurara ku mwanya wa 09 n’amanota 12.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ahmad Ahmad wayoboraga CAF yahagaritswe imyaka 5 kubera ibyaha bikomeye...

Impuzamashyirahamwe y’umupira w’amaguru ku isi FIFA yafatiye ibihano byo...
23 November 2020 Yasuwe: 987 0

Anele Ngcongca wakiniye ikipe y’igihugu y’Afurika y’epfo yahitanwe...

Uwari myugariro wa Mamelodi Sundowns n’ikipe y’igihugu y’Afurika y’Epfo...
23 November 2020 Yasuwe: 925 0

Mugisha Moise yegukanye Grand Prix Chantal Biya 2020

Umunyarwanda Mugisha Moïse yegukanye isiganwa ryiswe Grand PrixChantal Biya...
22 November 2020 Yasuwe: 1936 0

Cristiano Ronaldo ari mu biganiro byimbitse n’ikipe yahozemo ngo...

Ibinyamakuru bitandukanye ku mugabane w’I Burayi bikomeje gutangaza ko...
22 November 2020 Yasuwe: 4763 0

Gorilla FC yatwaye igikombe cya shampiyona y’icyiciro cya kabiri...

Mu mukino wa nyuma wabaye kuri uyu wa Gatandatu tariki 21 Ugushyingo 2020...
22 November 2020 Yasuwe: 1221 0

Mugisha Moise yegukanye agace ka Kane ka GP Chantal Biya bimuhesha amahirwe...

Ku munsi wa 4 w’isiganwa rya Grand Prix Chantal Biya riri kubera muri...
21 November 2020 Yasuwe: 2299 0