skol
fortebet

Patriots yatwaye igikombe cya shampiyona REG BBC mu mukino warebwe na perezida Kagame

Yanditswe: Saturday 24, Oct 2020

Sponsored Ad

Ikipe ya Patriots BBC yakomeje gushimangira ko mu mukino wa Basketball mu Rwanda ari kizigenza nyuma yo kwegukana igikombe cya 03 cya shampiyona yikurikiranya itsinze REG BBC amanota 76 kuri 61 mu mukino wa nyuma warebwe na Perezida KAGAME.

Sponsored Ad

Nkuko yabigenje ku munsi w’ejo haba imikino ya ½ ,Perezida Paul Kagame yitabiriye uyu mukino wa nyuma wabereye muri Kigali Arena kuri uyu wa Gatandatu.

Uretse Perezida Kagame,Minisitiri wa Siporo, Munyangaju Aurore Mimosa na Perezida w’Ishyirahamwe Nyarwanda ry’Umukino wa Basketball, Mugwiza Désiré, na bo bari mu bakurikiye uyu mukino.

Patriots BBC yatwaye ibikombe bya Shampiyona bibiri biheruka, yegukanye icya gatatu yikurikiranya (2018, 2019, 2020), nyuma yo gutsinda REG BBC ku manota 76-61.

Iki n’igikombe cya kane cya Shampiyona Patriots BBC yegukanye, guhera muri 2016.

Mu yindi mikino yabaye kuri uyu wa Gatandatu, RP-IPRC Kigali yegukanye umwanya wa gatatu mu bagabo, itsinze APR BBC amanota 87-79.

Mu bagore, igikombe cya Shampiyona cyegukanywe na The Hoops Rwanda itsinze RP-IPRC Huye WBBC amanota 68-63 mu gihe umwanya wa gatatu wegukanywe na Ubumwe WBBC itsinze APR WBBC amanota 67-52.

Iri rushanwa ryatangiye ku Cyumweru gishize mu gihe hari hashize iminsi 219 (amezi arindwi n’iminsi itanu), nta mukino cyangwa irushanwa ribera ku butaka bw’u Rwanda kuva tariki ya 14 Werurwe ubwo Minisiteri y’Ubuzima yatangazaga ko habonetse umurwayi wa mbere wa COVID-19.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa