skol
Kigali
startimes

Pep Guardiola yamaganye itoneshwa rikomeje gukorerwa abakinnyi b’ikipe ya Liverpool

Imyidagaduro   Yanditswe na: Dusingizimana Remy 24 July 2020 Yasuwe: 6377

Umutoza wa Manchester City,Pep Guardiola yatangaje ko igihembo cy’umukinnyi mwiza gisigaye kigenewe abakinnyi ba Liverpool gusa nyuma y’aho kuri uyu wa Gatanu itsinda ry’abanyamakuru bandika mu Bwongereza ryatoye Umwongereza Jordan Henderson nk’umukinnyi witwaye neza kurusha abandi muri 2019/2020.


Nubwo Manchester City itatwaye igikombe muri uyu mwaka,abakinnyi bayo barimo Kevin De Bruyne na Raheem Sterling bitwaye neza bigaragarira buri wese ariko ntibatekerejweho imbere ya kapiteni wa Liverpool,Jordan Henderson.

Guardiola yavuze ko ubu buryo bwo guhemba abakinnyi bitwaye neza busigaye buha amahirwe abakinnyi b’ikipe ya Liverpool gusa.

Guardiola yamaganye iri tonesha rikomeje gukorerwa abakinnyi ba Liverpool kuko aribo bahawe ibihembo by’abakinnyi bitwaye neza mu myaka y’imikino 2 ishize ndetse amahirwe menshi nuko uyu Jordan Henderson arahabwa amahirwe menshi yo kuzacyegukana cyane ko yahawe igihembo n’abanyamakuru bandika.

Yagize ati “Oya,Oya,kizahabwa umukinnyi wa Liverpool.Ubwo twatwaraga Premier League iki gihembo cyahawe umukinnyi wa Liverpool.Kuba baratwaye iyi shampiyona ndemeza ko n’umukinnyi mwiza w’umwaka azaturuka muri Liverpool.Iki gihembo cyagenewe abakinnyi ba Liverpool.”

Ubwo City yatwaraga shampiyona igize amanota 100,Kevin de Bruyne ntiyahawe iki gihembo nubwo yari yitwaye neza cyane ahubwo cyahawe Mohamed Salah.

Mu mwaka w’imikino ushize,City yatwaye igikombe cya shampiyona ariko iki gihembo cyahawe Virgil Van Dijk.

Uyu munsi,Jordan Henderson yatwaye iki gihembo cy’abanyamakuru bandika atsinze Kevin de Bruyne wamukurikiye mu gihe Marcus Rashford yabaye uwa 3 imbere ya Virgil Van Dijk na Sadio Mane.

Nubwo De Bruyne akomeje guteshwa agaciro,yatanze imipira yavuyemo ibitego 19 muri shampiyona y’uyu mwaka hanyuma anatsinda ibitego 11.


Guardiola yababajwe n’ukuntu abakinnyi ba Liverpool bari gutoneshwa

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Frank Lampard yahishuye ko umunyezamu usimbura Kepa yakoze ikizamini...

Umutoza wa Chelsea,Frank Lampard yahumurije abakunzi b’iyi kipe atangaza ko...
22 September 2020 Yasuwe: 552 0

Imyanzuro yafashwe na RGB nyuma y’isesengura ku bibazo bya Rayon...

Kuri uyu wa Kabiri tariki ya 22 Nzeri 2020,nibwo Minisiteri ya Siporo...
22 September 2020 Yasuwe: 1852 0

Munyakazi Sadate na Komite ye yose bakuweho nyuma y’ibibazo bikomeye byari...

Komite ya Rayon Sports yari iyobowe na Munyakazi Sadate yegujwe n’inama...
22 September 2020 Yasuwe: 3551 0

Ivan Rakitic yahishuye uko Messi na Suarez batari inshuti ze

Umukinnyi wo hagati Ivan Rakitic wari umaze imyaka 6 mu ikipe ya FC...
22 September 2020 Yasuwe: 1232 0

Rayon Sports yasinyishije Ghislain Armel warangaranwe na Kiyovu...

Rutahizamu Armel Ghislain wakiniraga ikipe ya Kiyovu Sports yamaze gusinya...
21 September 2020 Yasuwe: 1889 0

Frank Lampard yatangaje abakinnyi 3 yishimiye mu mukino yatsinzwemo na...

Umutoza wa Chelsea,Frank Lampard yatangaje ko nubwo yaraye atsinzwe na...
21 September 2020 Yasuwe: 4087 0