skol
Kigali
startimes

Perezida Magufuli ntiyumva ukuntu Tanzania yatsindwa n’u Burundi kandi ituwe na miliyoni 55

Imyidagaduro   Yanditswe na: Martin Munezero 14 October 2020 Yasuwe: 3116

Perezida wa Tanzania, Dr. John Pombe Magufuli avuga ko bidakwiye ko Tanzania nk’igihugu gituwe na miliyoni 55 z’abaturage itsindwa n’u Burundi bw’ebyiri, nyuma y’uburakari yatewe n’uko ikipe y’igihugu cye ’Taifa Stars’ itsinzwe n’Intamba mu Rugamba z’u Burundi.


Ku cyumweru tariki ya 11 Nzeri ni bwo ikipe y’igihugu ya Tanzania yakinnye n’u Burundi, mu mukino wa gicuti wabereye kuri Stade yitiriwe Benjamin Mkapa i Dar es Salaam.

Igitego rukumbi cyatsinzwe na Saido Ntibazonkiza ku munota wa 84 w’umukino ni cyo cyatandukanyije amakipe yombi, Intamba mu Rugamba zitahukana intsinzi.

Mu gitondo cyo ku wa Mbere ubwo Perezida Magufuli yari kuri Stade yo mu gace ka Kinyerezi, mu bikorwa kwiyamamaza nk’umukandida uzahagararira ishyaka Chama Cha Mapenduzi (CCM), yavuze ko bitumvikana kuba ikipe ya Tanzania yatsindwa n’u Burundi butuwe na miliyoni ebyiri z’abaturage (gusa u Burundi butuwe n’abakabakaba miliyoni 12). Ati:

Igihugu nka Tanzania gifite umubare w’abantu miliyoni 55, mwatsinzwe n’ikipe y’igihugu gifite abantu miliyoni ebyiri. Ndashaka mumbwize ukuri. Mu bantu miliyoni 55 twabuze abakinnyi 11 bagomba guhagararira iki gihugu muri uyu mukino w’ingirakamaro ukunzwe ku Isi?

Perezida Magufuli yanenze abakinnyi ba Tanzania, mu gihe Evariste Ndayishimiye w’u Burundi we yashimye abakinnyi b’Ikipe ye kuba barashoboye gukura insinzi i Dar es Salaam. Abinyujije kuri Twitter ye yagize ati:

Turashimira Ikipe y’igihugu ’Intamba mu Rugamba’ ku nsinzi batahukanye mu mukino wa gicuti wabahuje n’ikipe y’igihugu cya Tanzaniya. Mwahesheje igihugu cyababyaye. Tubifurije gutera imbere, ntituzahwema kubashyigikira kuko turi kumwe byose birashoboka.

Ikipe y’igihugu ya Tanzania ikomeje kwitegura imikino ibiri izayihuza na Tunisia mu kwezi gushaka, mu gihe u Burundi buri kwitegura Mauritania. Ni imikino y’ijonjora ryo gushaka itike y’Igikombe cya Afurika kizabera muri Cameroun mu myaka ibiri iri imbere.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Mugheni Fabrice wakunzwe n’abafana ba Rayon Sports yerekanwe nk’umukinnyi...

Umukinnyi Kakule Mugheni Fabrice wahoze akina hagati mu kibuga muri Rayon...
27 October 2020 Yasuwe: 724 0

Jose Mourinho yarakariye abakinnyi be kubera ibyo yabasanzemo nyuma...

Umutoza wa Tottenham,Jose Mourinho yarakariye abakinnyi be nyuma y’umukino...
27 October 2020 Yasuwe: 1900 0

Mikel Arteta yatangaje impamvu Arsenal ikomeje gutsindwa umusubirizo

Umutoza Mikel Arteta w’ikipe ya Arsenal yatangaje ko impamvu ikipe ye iri...
27 October 2020 Yasuwe: 1777 0

FC Barcelona yashinje umusifuzi wayisifuriye ku mukino wa El Clasico kuba...

Ikipe ya FC Barcelona yamaze kwandikira ishyirahamwe ry’umupira w’amaguru...
26 October 2020 Yasuwe: 1370 0

Lionel Messi yageneye ubutumwa Cristiano Ronaldo urwaye Covid-19 mbere yo...

Kizigenza Lionel Messi ukinira ikipe ya FC Barcelona yavuze ko atifuza...
26 October 2020 Yasuwe: 4034 1

Pogba yise ibihuha amakuru yavugaga ko yasezeye mu ikipe y’igihugu...

Abicishije ku rubuga rwe rwa Twitter Pogba yamaganye inkuru zivuga ko...
26 October 2020 Yasuwe: 677 0