skol
Kigali
startimes

Perezida Mushya wa Rayon Sports ntiyiteguye kumena amafaranga ye mu ikipe nkuko abamubanjiirje babigenje

Imyidagaduro   Yanditswe na: Dusingizimana Remy 25 October 2020 Yasuwe: 2162

Ku munsi w’ejo nibwo inteko rusange ya Rayon Sports yatoye Uwayezu Jean Fidèle nka perezida w’ikipe usimbura Murenzi Abdallah wari uyoboye inzibacyuho y’iminsi 30 ari nawe wateguye amatora.


Uyu mugabo wavuze ko yatangiye gufana Rayon Sports kuva akiri umwana,yemeje ko ataje guhangana n’abakunzi ba Rayon Sports [ishyamba] ahubwo aje gukorera ikipe afana ndetse yavuze ko ikipe atari iye wenyine ariyo mpamvu nta mafaranga ye azashora mu ikipe ahubwo azatanga umusanzu nk’abandi banyamuryango bose.

Yagize ati “Rayon Sports ni ikipe y’abafana n’abayikunda, ibyo kumenamo amafaranga, gushyiramo amafaranga ntabwo ari iyanjye, itandukanye nanjye, uretse ko nkuriye komite iriho. Izatungwa n’amafaranga Komite izashaka, izatungwa n’amafaranga ubuyobozi buriho buzashaka mu bafatanyabikorwa.

Ariko ikintu cyitwa ngo Perezida azajya azana amafaranga ashyiremo, ntabwo ari iyanjye, ni iy’Abanyarwanda, ni iyawe n’undi. Nzaba ndi umunyamuryango nkotiza, n’undi wabishaka, ariko icyo kintu ntabwo ari cyo perezida aje gukora. Aje gufasha kuyobora Rayon Sports akayishakira ibintu birambye, ntakura mu mufuka we ashyira muri Rayon Sports. Yayifasha nk’uko undi mufana yayifasha abishoboye.”

Uwayezu Jean Fidele watorewe kuyobora Rayon Sports mu myaka ine iri imbere yatowe ku majwi 39 atsinda Bizimana Slyvestre bari bahatanye.

Mu kiganiro n’abanyamakuru, Uwayezu Jean Fidele yavuze ko yakunze Rayon Sports kuva bwana ndetse ngo yahisemo Kwiyamamaza bitewe n’ibibazo iyi kipe afana yari iheruka kunyuramo.

Ati " Ndi umukunzi wa Rayon Sports. Nayikunze kuva nkiri umwana. Niyo kipe nkunda ninayo nzi. Ntabwo nagaragaye mu buyobozi ariko nari umunyamuryango wayo n’umukunzi wayo. Mu bihe bikomeye yanyuzemo nibwo nicaye mbitekerezaho nganira n’abandi ndavuga nti kuki ntagira icyo nkora kugira ngo Rayon Sports tuyigarurire icyizere....Nibwo natanze kandidatire, none bantoye."

Yakomeje avuga ko amatora yabaye mu mucyo. Yavuze ko Rayon Sports ari ikipe ikunzwe kandi ifite ibigwi. Yavuze ko bagiye gukora ku buryo yongera gukomeza kwitwara neza mu Rwanda no ku rwego mpuzamahanga. Avuga ko bizagerwaho bakorera mu mucyo.

Bwana Uwayezu yavuze ko Kompanyi ishinzwe umutekano w’abantu n’ibintu ya RGL ariwe wayishinze akaba ari nawe uyiyobora ubu.

Uwayezu Jean Fidèle w’imyaka 54, yahoze ari Umusirikare mu Ngabo z’u Rwanda kugeza muri 2005 ubwo yari afite ipeti rya Kapiteni ndetse yahawe umudali wo kubohora igihugu.

Mu 2011, yiyamamarije kuba Umusenateri aturutse mu Ntara y’Amajyepfo gusa ntiyahirwa. Icyo gihe yari ashyize imbere amahoro n’umutekano nk’ishingiro ry’iterambere n’uburumbuke by’u Rwanda.

Umuyobozi mushya w’Umuryango Rayon Sports asanzwe ari nyir’ikigo cyigenga gicunga umutekano w’abantu n’ibintu kinyamwuga, cya RGL Security Company.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Anele Ngcongca wakiniye ikipe y’igihugu y’Afurika y’epfo yahitanwe...

Uwari myugariro wa Mamelodi Sundowns n’ikipe y’igihugu y’Afurika y’Epfo...
23 November 2020 Yasuwe: 635 0

Mugisha Moise yegukanye Grand Prix Chantal Biya 2020

Umunyarwanda Mugisha Moïse yegukanye isiganwa ryiswe Grand PrixChantal Biya...
22 November 2020 Yasuwe: 1802 0

Cristiano Ronaldo ari mu biganiro byimbitse n’ikipe yahozemo ngo...

Ibinyamakuru bitandukanye ku mugabane w’I Burayi bikomeje gutangaza ko...
22 November 2020 Yasuwe: 3833 0

Gorilla FC yatwaye igikombe cya shampiyona y’icyiciro cya kabiri...

Mu mukino wa nyuma wabaye kuri uyu wa Gatandatu tariki 21 Ugushyingo 2020...
22 November 2020 Yasuwe: 1169 0

Mugisha Moise yegukanye agace ka Kane ka GP Chantal Biya bimuhesha amahirwe...

Ku munsi wa 4 w’isiganwa rya Grand Prix Chantal Biya riri kubera muri...
21 November 2020 Yasuwe: 2271 0

Abafana ba FC Barcelona bateye Antoine Griezmann bamutegeka gukorera Messi...

Abafana ba FC Barcelona bari bariye karungu batatse imodoka ya Antoine...
21 November 2020 Yasuwe: 4871 0