Kigali
startimes

Perezida wa Rayon Sports Sadate yarezwe muri RIB na Muhirwa Prosper bakorana

Imyidagaduro   Yanditswe na: Dusingizimana Remy 29 September 2019 Yasuwe: 8344

Visi perezida wa kabiri wa Rayon Sports,Muhirwa Prosper yatanze ikirego muri RIB arega perezida wayo Munyakazi Sadate ashinja kumutukira mu ruhame amwita umujura, umugambanyi ngo yigira intama kandi ari ikirura ndetse no kumushinja kuba nyirabayazana w’ibibazo byose Rayon Sports ifite.



Muhirwa Prosper yabwiye IGIHE dukesha iyi nkuru ko yareze Perezida Munyakazi Sadate kubera kumutukira mu ruhame ndetse akabwira abakunzi ba Rayon Sports gutema ishyamba, bakanaritwika.

Yagize ati “Yavuze ko natanze ruswa ngo abakinnyi bitsindishe kandi ko ndi igisambo. Nsanga ibyo ari ukunsebya no kuntesha agaciro agamije gucamo ibice abakunzi ba Rayon Sport.”

Muhirwa avuga ko icyatumye yitabaza ubugenzacyaha ari uko yateshejwe agaciro mu ruhame ndetse akaba ari yo mpamvu yanahisemo kwishinganisha kubera umutekano we akurikije uburemere imvugo Umuyobozi wa Rayon Sports yakoresheje ashishikariza abantu gutema no gutwika icyitwa ishyamba.

Ati ”Mu buzima bwanjye ni ubwa mbere nari numvise Umuyobozi wa Rayon Sports ushishikariza gutema no gutwika abantu basangiye ikipe bakunda. Nishinganishije kuri RIB bitewe n’uwo mwuka mubi wabibwe n’uyoboye Rayon Sports muri iki gihe.”

Muhirwa Prosper wageze mu buyobozi bwa Rayon Sports guhera mu mwaka wa 2004, yabaye Visi Perezida wa mbere w’iyi kipe hagati ya 2017 na 2018, anatorerwa kuba Visi Perezida wayo wa kabiri muri Komite nshya yashyizweho muri Nyakanga uyu mwaka.

Prosper yareze Munyakazi kubera iri rirerire yagejeje ku bafana bagize itsinda rimwe ry’abakunzi ba Rayon Sports,kuwa 22 Nzeri uyu mwaka, aho yabasabye kwamagana abashatse gushinga ikipe ya Basketball bitanyuze mu mucyo akavuga ko yiteguye kubamariraho imbaraga ze zose.


Muhirwa Prosper [uri hagati]yareze Munyakazi Sadate muri RIB

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble Gruec

    Ubwo ibirumirahabiri biraje bimurwanye ngo imikorere yabyo isobetse n’ikiguri cyabyo bitazamenyekana, RIB niyo babanjemo ariko siyo yanyuma. Sadate kenyera ukomeze kuko ntibazahwema kugucurira ibyaha, byaba ngombwa bakagushyira no ku rubobi.

    September 2019
  • chat_bubble Gruec

    Ubwo ibirumirahabiri biraje bimurwanye ngo imikorere yabyo isobetse n’ikiguri cyabyo bitazamenyekana, RIB niyo babanjemo ariko siyo yanyuma. Sadate kenyera ukomeze kuko ntibazahwema kugucurira ibyaha, byaba ngombwa bakagushyira no ku rubobi.

    September 2019
  • chat_bubble KAKA

    Muhirwa, aba Rayon turakwiyamye uvane amatiku mu ikipe ubwo se muri twese ninde utazi ishyamba icyo risobanura ko rivuga umuntu wese wigomeka kui buyobozi none se wajyaga gushinga ikipe ya basketball ninde wagutoye turakwiyamye ntidushaka amatiku yanyu, naho kuvuga ibisambo se iyo abivuze, frw mwagurishije Diarra muri Congo mwazanye angahe ayinjiraga ku bibuga mukavuga 1/2 cyayo ubusambo butari ubwo se ni buhe.

    September 2019
  • chat_bubble Faustin

    Ibi n’ibiki koko. Mwahanye amahoro ko championat igiye gutangira

    September 2019
  • chat_bubble mundejos bakas

    Npnese iyo bavize gutema no gutwika ishyamba baba bavuze muhirwa

    September 2019
  • chat_bubble mahoro

    kumvikana ni ingenzi.iyo usenya cyangwa uvuga nabi uwo mufatanije umurimo nawe uba wisenya
    kwuzuzanya mu byiza niterambere kuri benshi namwe miri mwo.

    September 2019

Inzindi nkuru

Uwari umutoza wungirije mu ikipe ya APR FC yatandukanye na yo

Nyuma yo kunanirwa kumvikana na APR FC ku bijyanye no kuba yakongererwa...
8 July 2020 Yasuwe: 1220 0

Munyakazi Sadate yijeje abafana ko agiye kubohoza imodoka y’ikipe yafatiriwe...

Umuyobozi wa Rayon Sports Munyakazi Sadate yavuze ko we na komite ayoboye...
8 July 2020 Yasuwe: 2167 0

Diego Simeone yatangaje impamvu Real Madrid bari kuyiha penaliti nyinshi...

Umutoza wa Atletico Madrid witwa Diego Simeone yavuze ko ikipe ya Real...
8 July 2020 Yasuwe: 2106 0

Rayon Sports yasinyishije bidasubirwaho umunyezamu Kwizera Olivier

Ikipe ya Rayon Sports yemeje noneho ko yasinyishije umunyezamu Kwizera...
7 July 2020 Yasuwe: 2329 0

Jose Mourinho yishimiye ko abakinnyi be bari bagiye kurwanira mu...

Umutoza wa Tottenham,Jose Mourinho yishimiye ko abakinnye be Heung Min Son...
7 July 2020 Yasuwe: 3896 0

Cassa Mbungo yatangaje ikintu cyamubabaje muri Rayon Sports ayisaba no...

Uwari umutoza wa Rayon Sports,Cassa Mbungo Andre yatangaje ko yababajwe no...
7 July 2020 Yasuwe: 3599 0